Ҳара зегьы есыҽны аӡбарақәа ҳадаҳкылоит. Иҟоуп уи анымариоу, иаҳҳәап ашьыжь ҳангыло иаҳфаша анаҳаӡбо, мамзаргьы шаҟа рзы ҳашьҭалаша анаҳаӡбо. Аха иҟоуп зыӡбара мариам азҵаарақәагьы. Урҭ ҳҭаацәареи ҳареи агәабзиареи анасыԥи ҳамазаауоу-иҳамамзаауоу, насгьы Анцәа ҳашимҵахырхәало ианыԥшуеит. Ҳара иаҳҭахуп иҳадаҳкыло аӡбарақәа ҳҭаацәарагьы ҳаргьы ахәарҭа ҳзааргаларц. Аха зегь раԥхьаӡа иргыланы, иҳадаҳкыло аӡбарақәа рыла Иегова дҳаргәырӷьалар ҳҭахуп (Рим. 12:1, 2). Аӡбарақәа анҳадаҳкыло раԥхьаӡа иргыланы акәамаҵамарақәа еилкаатәуп. Избан уи зхадоу? Ҳхаҿы иааҳгап ӷәӷәала ичмазаҩу ауаҩы аҳақьым иахь дышнеиз. Аҳақьым ауаҩы дгәамҭаӡакәа, зҵааракгьы имҭаӡакәа ахәшә изылиҩаауама? Ҳәарада мап! Убас еиԥш ҳаргьы аӡбара анҳадаҳкыло, уи иадҳәалоу акәамаҵамарақәа зегь еилаҳкаароуп. w25.01 14, абз. 1—3

Иаҳдыруазеи Иегова илоу арыцҳашьара иазкны? Ишԥаҳирбеи иара «аӡә дҭахар [шиҭахым]»? (2 Пиотр 3:9). Ҳахәаԥшып Анцәа шьоук рахь арыцҳашьара шааирԥшыз. Урҭ руаӡәк аҳ Давид иоуп. Иара агәнаҳа ӷәӷәақәа ҟаиҵеит, ахатә ҩыза иԥсахреи ауаҩшьреи уахь иналаҵаны. Аха Давид игәнаҳақәа дрыхьхәит, убри аҟынтә Иегова дрыцҳашьаны ианаижьит (2 Сам. 12:1—12). Аҳ Манассиа иԥсҭазаара аиҳарак аус ҿаасҭақәа ҟаиҵон. Аха Иегова ус еиԥш иҟаз ауаҩгьы дшахьхәыз гәаҭаны ианаижьит (2 Аш. 33:9—16). Арҭ аҿырԥштәқәа иаҳгәаладыршәоит Иегова, уи аҩыза алшара ыҟазар, еснагь арыцҳашьара шааирԥшуа. Иара урҭ ауаа рыԥсы ҭеиҵоит, избанзар дара рыгәнаҳақәа шаҟа иӷәӷәаз еилкааны, урҭ ирыхьхәит. w24.05 4, абз. 12

Иегова израильаа египеттәи ахәура аҟынтә рхы ианақәиҭитә ашьҭахь иԥшьоу ақьала дыргыларц адҵа риҭеит, насгьы уаҟа амаҵ зулаша аԥшьаҩцәеи алевитцәеи алихит. Иаанагозма уи иԥшьоу ақьалаҿы амаҵ зуаз ма уи ааигәара инхоз Иегова еиҳа дреиҷаҳауан егьырҭ раасҭа ҳәа? Мап. Иегова зегьы еиԥшны дырзыҟоуп. Израильаа иреиуаз дарбанзаалак Иегова диҩызахар илшон. Иаҳҳәап, Анцәа иԥшьоу ақьала иахагылаз аԥҭеи амца шьаҟеи ижәлар зегьы ирбалартә иҟаиҵеит (Ақәҵ. 40:38). Аԥҭа шьҭыҵны аныҟәара ианалагоз, уи алагер аҵыхәан инхозгьы ирбон. Уи абзоурала дара ирласны рымаҭәақәа еидыркылар рылшон, егьырҭ ирыҵамхакәа, ирышьҭаланы ицаларц азы (Ахыԥхь. 9:15—23). Убасоуп иахьагьы. Ҳахьынхозаалакгьы, агәра ганы ҳаҟазар ҳалшоит бзиа ҳазбо Ҳанцәа анапхгара шҳаиҭало, насгьы ҳшихьчало. w24.06 4, абз. 10—12