Aˈallom Baˈ Utro i mga Minatay?

“Aniyaˈ pagkabanhaw.”​—Buhat 24:15, New World Translation.

Agliˈaw to si kaˈaw kon amatay i hinigugmaˈ-mo.​—2 Corinto 1:3, 4.

Akalibri kaw tikang si pagkatalaw si kamatayon.​—Hebro 2:15.

Agbuwan to si kaˈaw ungod paglaˈom nga agkahuruwang kam gihapon si magkamaratay mga hinigugmaˈ-mo.​—Juan 5:28, 29.

Oho, si tallo mga rason:

•  I Diyos i Manhihimo si kinabuhiˈ. Nagˈarunan i Diyos nga Jehova anan si Bibliya bilang “i burabod si kinabuhi.” (Salmo 36:9; Buhat 17: 24, 25) Akasiguro kaw si gahum-na si pagˈallom utro si minatay kay iya i Adda nga magbuwan kinabuhiˈ si dimuˈan allom mga hinimo.

•  Aniyaˈ-na nagbanhaw-na si Diyos siray. Agsumat i Bibliya nga aniyaˈ siray waloˈ nagbanhaw ato si pitak—aniyaˈ dadiˈ, mabuˈot, lalla, ngan danda. I ditangngaˈ nagbanhaw nga pira pa hamok uras pakamatay-na, pero aniyaˈ adda nagbanhaw nga ampat allaw-na i maglabay si panlalabungan!​—Juan 11:39-44.

•  Hingyap-na si Diyos i pagbuhat sito utro. Adda kuntra i pagkulaw-na si kamatayon sanglit aghumutan-nay to si Diyos. (1 Corinto 15:26) Bali gayod “i paghingyap-na” nga sapirdi-nay to kuntra pinaˈagi si pagkabanhaw. Amingaw-na gayod iya si magkamaratay nga awinan si pangintuman-na ngan banhaw-na mga iya para agkinabuhiˈ ato si pitak utro.​—Job 14:14, 15