Izikèl

2 Lè sala i di mwen: “Gason lézòm, doubout asou dé «2» pyé’w pou mwen palé épi’w.” 2 Lè’y palé ban mwen, lèspwi Bondyé antwé an mwen épi i fè mwen doubout asou dé «2» pyé mwen pou mwen tann Moun-lan ki té ka palé ban mwen-an. 3 Apwé sa i di mwen: “Gason lézòm, mwen ka voyé’w oti pèp Izwayèl, oti sé nasyon wébèl-la ki wébèl kont mwen. Yo èk ayèl yo péché kont mwen èk yo kontiné péché kont mwen jis jòdi. 4 Mwen ka voyé’w oti gason ki ni tèt di èk tjè wèd. Sé pou’w di yo: ‘Mi sé sa Jéhova, Senyè-a Ki Pli Ho-a, di.’ 5 Yo sé an bann moun ki wébèl. Mé menm si yo kouté opa, yo kay ni pou konnèt la té ni an pwofèt anpanmi yo. 6 “Mé ou, gason lézòm, pa pè yo épi pa pè pawòl yo, menm si tout oliwon’w sé pyé pikan èk menm si ou ka viv anpanmi èskòpyon. Pa pè pawòl yo, èk pa kité fidji yo fè’w pè, paski yo sé an bann moun ki wébèl. 7 Sé pou’w di yo pawòl mwen, ki yo kouté’w opa, paski yo sé an pèp ki wébèl. 9 Lè mwen gadé, mwen wè an lanmen lonjé douvan mwen, èk yon woulo ki ni ékwiti asou’y té an lanmen-an. 10 Lè’y ouvè woulo-a douvan mwen i té ni ékwiti ni douvan’y ni dèyè’y. Sa ki té ékwi asou’y sété chanson twis pou fè moun lapenn èk pou fè yo pléwé.