Lok Angeya

◼ Januari: Kibitic ki buk mo keken ma tye ki pot karatac 192 ma kicoyo ki karatac ma kalane lokke yelo yelo nyo buk mo keken ma kiyubo ma nongo mwaka 1991 pudi. Kiromo tic bene ki buk me Ngec nyo brocuwa me Wubed ma Wukiyo Piny! Febuari: Wabitero buk me Draw close to Jehovah kacel ki Ngec. Marci: Ti ki buk me Baibul Pwonyo dok itute matek me cako kwano Baibul ki dano. April ki Mai: Ter Watchtower ki Awake! Ka idok cen bot jo ma gunyuto miti kun itemme me miyo buk me Baibul Pwonyo ki yub me cako kwano Baibul kwedgi.

◼ Cakke i Febuari me o i Marci 4, wi lok me pwony ma kiyubo pi lwak ma laneno me adwol bitic kwede bibedo ni “Lobo ma Nyen pa Lubanga-ni—Angagi ma Gibipore me Donyo Iye?”

◼ Kibinyamo lok i kom vidio me Young people Ask—What will I Do With My Life? i Cokke me Ticwa i April. Ka mitte, ci omyero kipeny pire pi oyot kun kiwok ki i kacokke.

◼ Bukkewa me leb Chinese kicoyogi bedo aryo aryo. Jo me Hongkong kacel ki Taiwan polle gikwano acelle ma nongo kicoyo ki leb macon, ma kiketo ni “Chinese” (CH). Pol pa jo me China ata-ni gimaro kwano acelle ma nongo kitiyo ki leb ma yotte ma kilwongo ni “Simpified Chinese” (CHS). Kit macalo buk ma ngat moni kwanone nongo pe obedo leb ma en loko, nyo ni Cantonese, Mandarin nyo mukene mapatte, pire dong tek ni ngat moni myero onen mene ma en nongo ni ber bote. Kiromo tic ki latin buk me Good News for People Of All Natoins, pot karatac 19-20, me niang maber-re. Kit meno, weko buk ma nongo rwattene aye kipenyo pire.

◼ Kacokke omyero oket yub ma rwatte pi kwero nino me Nipo me mwaka-ni ma bibedo i Ceng Baraja, April 2 ma nongo dong ceng opoto woko. Kadi bed ni kiromo cako miyo pwony con ma peya ceng opoto, ento cwalo mugati ki vino i kin dano myero ocake ma nongo dong ceng opoto woko. Peny dano ma i kabedoni me moko cawa ma ceng poto iye. Kacokke acel acel myero otemme me yubo yub me kwero nino me Nipo ma megi pat. Ento, man kono kine mukene pe twerre. Ka kacokke mapol gitiyo ki Ot me Ker acel keken, kacokke acel nyo mukene-ni giromo pango kabedo mo mapat me tic kwede i otyeno meno. Ka twere, inge tum pa kwer man, omyero oter dakika 40 ka dok jo mukene gudony, man miyo jo ducu nongo kare me motte nyo lok ki luwotgi. Omyero kipar pi dwong pa mutoka ki ka ma kibigwokogi iye, man kwako kelo ki dwoko jo mukene bene. Luelda omyero gumok yub ma rwatte ki kwo ma i kabedogi.

◼ Lukaran me kacokke omyero gunen ni gigwoko waraga ma nyuto cimo ngat moni me bedo painia (S-202), pi painia marii acel acel ma tye i kacokke. Ka gipeke kwede ci omyero guco waraga i jang gang kal pire.