TESAMU 3
Edén nunkanam iwiakmaush ¿itiura auya?
Adán Evan Yus nii uyumamurin mash susarmiayi. Génesis 1:28
Jehová emka nuwan Evan najana Adánka nii aishri ati tusa susamiayi (Génesis 2:21, 22).
Yus Adánkan tura Evan tunarinchau najanamiayi. Nii inintimtairisha tura namankesha pasemarchau armiayi.
Edén nunkanam pujuarmia nuinkia entsa, numi, yajasmau armiayi. Nekas shiiram nunkauyayi.
Warinchunkesha najanawarti tusa Jehová niijiai chichasar unuininuyayi. Nui tuke iwiaku pujusartaska Yuse anturkar umirkartinuyayi.
Yus numi nere yuashtinuitrume tusa akupkarmiayi. Génesis 2:16, 17
Yus Adán Evajai chichareak numi nere ajape wajana nuka yuashtinuitrume. Nu yuakrumka nekas jakatatrume timiayi.
Yuse suntari nii nemase wajasmiayi. Nuna turau asa Satanás najanarmiayi.
Satanás Jehová umirkarain tusa nakitmiayi. Tura asa Evan napijiai anankeak ju numi nere yuamka jakashtatme antsuka Yusea aintsam wajastatme timiayi. Nuka nekaschauyayi (Génesis 3:1-5).