א [ʼAʹlef]
119 Gelukkig is dié wat onberispelik is in hulle weg,+
Dié wat in die wet van Jehovah wandel.+
2 Gelukkig is dié wat sy herinneringe onderhou;+
Met hulle hele hart bly hulle hom soek.+
3 Waarlik, hulle het geen onregverdigheid beoefen nie.+
In sy weë het hulle gewandel.+
4 U het u bevele op gebiedende wyse gegee+
Sodat dit sorgvuldig onderhou moet word.+
5 Ag, was my weë maar stewig gevestig+
Om u voorskrifte te onderhou!+
6 Dan sou ek nie beskaamd staan+
Wanneer ek op al u gebooie let nie.+
7 Ek sal u in opregtheid van hart prys+
Wanneer ek u regverdige regterlike beslissings leer.+
8 U voorskrifte onderhou ek deurentyd.+
Moet my tog nie geheel en al verlaat nie.+
ב [Bet]
9 Hoe sal ’n jong man+ sy pad reinig?
Deur op sy hoede te bly ooreenkomstig u woord.+
10 Met my hele hart het ek u gesoek.+
Moet my nie van u gebooie laat afdwaal nie.+
11 In my hart het ek u woord as ’n skat bewaar,+
Sodat ek nie teen u sal sondig nie.+
12 Mag u geloof word, o Jehovah.
Leer my u voorskrifte.+
13 Met my lippe het ek
Al die regterlike beslissings van u mond+ bekend gemaak.+
14 In die weg van u herinneringe het ek my verheug,+
Net soos oor alle ander waardevolle dinge.+
15 U bevele sal ek oordink,+
En ek sal op u paaie let.+
16 Vir u insettinge sal ek ’n liefde toon.+
Ek sal u woord nie vergeet nie.+
ג [Giʹmel]
17 Tree gepas teenoor u kneg op, sodat ek kan lewe+
En sodat ek u woord kan onderhou.+
18 Open my oë, sodat ek
Die wonderlike dinge uit u wet+ kan sien.+
19 Ek is net ’n inwonende vreemdeling in die land.+
Moenie u gebooie vir my verberg nie.+
20 My siel is verbryseld van verlange+
Na u regterlike beslissings, altyddeur.+
21 U het die vervloekte vermeteles bestraf+
Wat van u gebooie afdwaal.+
22 Rol smaad en veragting van my af,+
Want ek het u herinneringe onderhou.+
23 Selfs vorste het gesit; teen my het hulle onder mekaar gepraat.+
Wat u kneg betref, hy oordink u voorskrifte.+
24 Ook is ek lief vir u herinneringe,+
As my raadsmanne.+
ד [Daʹlet]
25 My siel het aan die stof gekleef.+
Hou my in die lewe volgens u woord.+
26 Ek het my weë bekend gemaak, sodat u my kan antwoord.+
Leer my u voorskrifte.+
27 Laat my die weg van u bevele verstaan,+
Sodat ek u wonderlike werke kan oordink.+
28 My siel was slapeloos van droefheid.+
Rig my op volgens u woord.+
29 Verwyder die valse weg van my,+
En begunstig my met u wet.+
30 Die weg van getrouheid het ek gekies.+
U regterlike beslissings het ek as gepas beskou.+
31 Ek het u herinneringe aangekleef.+
O Jehovah, moet my nie beskaamd maak nie.+
32 Ek sal op die weg van u gebooie wandel,+
Want u verruim my hart.+
ה [Heʼ]
33 Onderrig my, o Jehovah, in die weg van u voorskrifte,+
Sodat ek dit tot die einde toe kan bewaar.+
34 Laat my verstaan, sodat ek u wet kan bewaar+
En sodat ek dit met my hele hart kan onderhou.+
35 Laat my op die pad van u gebooie wandel,+
Want daarin het ek behae geskep.+
36 Neig my hart tot u herinneringe+
En nie tot gewin nie.+
37 Wend my oë af, sodat hulle niks sien wat waardeloos is nie;+
Hou my in die lewe op u weg.+
38 Kom teenoor u kneg u woord na+
Wat tot die vrees vir u lei.+
39 Laat my smaad verbygaan, waarvoor ek bang was,+
Want u regterlike beslissings is goed.+
40 Kyk! Ek het na u bevele verlang.+
Hou my in die lewe in u regverdigheid.+
ו [Wau]
41 En laat u liefderyke goedhartighede oor my kom, o Jehovah,+
U redding volgens u woord,+
42 Sodat ek die een wat my smaad, met ’n woord kan antwoord,+
Want ek het op u woord vertrou.+
43 En moenie die woord van waarheid heeltemal uit my mond wegneem nie,+
Want ek het op u regterlike beslissing gewag.+
44 En ek sal u wet voortdurend onderhou,+
Tot onbepaalde tyd, ja, vir ewig.+
45 En ek sal in ’n ruim plek rondloop,+
Want ek het u bevele gesoek.+
46 Ek sal ook voor konings oor u herinneringe praat,+
En ek sal my nie skaam nie.+
47 En ek sal ’n liefde toon vir u gebooie+
Wat ek liefgehad het.+
48 En ek sal my palms ophef na u gebooie wat ek liefgehad het,+
En ek sal u voorskrifte oordink.+
ז [Saʹjin]
49 Dink aan die woord aan u kneg,+
Waarop u my laat wag het.+
50 Dit is my vertroosting in my ellende,+
Want u woord het my in die lewe gehou.+
51 Die vermeteles het my tot die uiterste bespot.+
Van u wet het ek nie afgewyk nie.+
52 Ek het gedink aan u regterlike beslissings wat van onbepaalde tyd af is, o Jehovah,+
En ek vind vertroosting.+
53 ’n Toorngloed het my aangegryp weens die goddeloses+
Wat u wet verlaat.+
54 U voorskrifte het vir my melodieë geword+
In die huis van my vreemdelingskap.+
55 In die nag het ek aan u naam gedink, o Jehovah,+
Sodat ek u wet kan onderhou.+
56 Selfs dit het my deel geword,
Omdat ek u bevele bewaar het.+
ח [Get]
57 Jehovah is my deel;+
Ek het beloof om u woorde te onderhou.+
58 Ek het u aangesig met my hele hart versag.+
Betoon guns aan my volgens u woord.+
59 Ek het my weë oordink,+
Sodat ek my voete kan laat terugkeer na u herinneringe.+
60 Ek het my gehaas, en ek het nie getalm+
Om u gebooie te onderhou nie.+
61 Die toue van die goddeloses het my omsluit.+
U wet het ek nie vergeet nie.+
62 Om middernag staan ek op om u te dank+
Vir u regverdige regterlike beslissings.+
63 Ek is ’n metgesel van almal wat u vrees,+
En van dié wat u bevele onderhou.+
64 U liefderyke goedhartigheid, o Jehovah, het die aarde gevul.+
Leer my u voorskrifte.+
ט [Tet]
65 U het inderdaad goed gehandel met u kneg,+
O Jehovah, volgens u woord.+
66 Leer my goedheid,+ verstandigheid+ en kennis,+
Want in u gebooie het ek geloof beoefen.+
67 Voordat ek in ellende verkeer het, het ek onopsetlik gesondig,+
Maar nou onderhou ek u woord.+
68 U is goed en doen goed.+
Leer my u voorskrifte.+
69 Die vermeteles het my met leuens beswadder.+
Wat my betref, met my hele hart sal ek u bevele bewaar.+
70 Hulle hart het ongevoelig geword net soos vet.+
Wat my betref, ek was lief vir u wet.+
71 Dit is goed vir my dat ek geteister is,+
Sodat ek u voorskrifte kon leer.+
72 Die wet+ van u mond is goed vir my,+
Beter as duisende stukke goud en silwer.+
י [Jod]
73 U hande het my gemaak, en hulle het vastigheid aan my verleen.+
Laat my verstaan, sodat ek u gebooie kan leer.+
74 Dié wat u vrees, sien my en is bly,+
Want ek het op u woord gewag.+
75 Ek weet goed, o Jehovah, dat u regterlike beslissings regverdigheid is+
En dat u my in getrouheid geteister het.+
76 Laat u liefderyke goedhartigheid asseblief wees om my te vertroos,+
Volgens u woord aan u kneg.+
77 Laat u barmhartighede oor my kom, sodat ek kan bly lewe;+
Want vir u wet is ek lief.+
78 Laat die vermeteles beskaamd staan, want hulle het my sonder oorsaak mislei.+
Wat my betref, ek oordink u bevele.+
79 Laat dié wat u vrees, na my terugkeer,+
Ook dié wat u herinneringe ken.+
80 Laat my hart onberispelik wees in u voorskrifte,+
Sodat ek nie beskaamd staan nie.+
כ [Kaf]
81 Na u redding het my siel gesmag;+
Op u woord het ek gewag.+
82 My oë het gesmag na u woord,+
Terwyl ek sê: “Wanneer sal u my vertroos?”+
83 Want ek het geword soos ’n leersak+ in die rook.
U voorskrifte het ek nie vergeet nie.+
84 Hoeveel is die dae van u kneg?+
Wanneer sal u oordeel aan my vervolgers voltrek?+
85 Die vermeteles het valkuile gegrawe om my te vang,+
Dié wat nie in ooreenstemming met u wet is nie.+
86 Al u gebooie is getrouheid.+
Sonder oorsaak het hulle my vervolg. Help my tog.+
87 Nog net ’n klein rukkie en hulle sou my op die aarde uitgeroei het;+
Maar ek het u bevele nie verlaat nie.+
88 Hou my in die lewe ooreenkomstig u liefderyke goedhartigheid,+
Sodat ek die herinnering van u mond kan onderhou.+
ל [Laʹmed]
89 Tot onbepaalde tyd, o Jehovah,+
Staan u woord vas in die hemel.+
90 U getrouheid is van geslag tot geslag.+
U het die aarde stewig gevestig, sodat dit kan bly staan.+
91 Volgens u regterlike beslissings het hulle tot vandag toe bly staan,+
Want hulle is almal u knegte.+
92 As ek nie vir u wet lief was nie,+
Dan sou ek in my ellende omgekom het.+
93 Tot onbepaalde tyd sal ek u bevele nie vergeet nie,+
Want daardeur het u my in die lewe gehou.+
94 Ek behoort aan u. Red my tog,+
Want ek het u bevele gesoek.+
95 Vir my het die goddeloses gewag, om my dood te maak.+
Ek gee deurentyd ag op u herinneringe.+
96 Aan alle volmaaktheid het ek ’n einde gesien.+
U gebod is baie omvattend.
מ [Mem]
97 Hoe lief het ek u wet tog!+
Die hele dag oordink ek dit.+
98 U gebod maak my wyser as my vyande,+
Want dit is tot onbepaalde tyd myne.+
99 Ek het meer insig as al my onderrigters verkry,+
Omdat ek u herinneringe oordink.+
100 Ek tree verstandiger op as ouer manne,+
Omdat ek u bevele bewaar het.+
101 Van elke slegte pad het ek my voete teruggehou,+
Sodat ek u woord kan onderhou.+
102 Van u regterlike beslissings het ek nie afgewyk nie,+
Want u het my onderrig.+
103 Hoe glad vir my verhemelte was u woorde,
Gladder as heuning vir my mond!+
104 Danksy u bevele tree ek verstandig op.+
Daarom het ek elke valse pad gehaat.+
נ [Noen]
105 U woord is ’n lamp vir my voet+
En ’n lig vir my pad.+
106 Ek het ’n beëdigde verklaring afgelê, en ek sal dit nakom,+
Om u regverdige regterlike beslissings te onderhou.+
107 Ek is in groot mate geteister.+
O Jehovah, hou my in die lewe volgens u woord.+
108 Skep asseblief behae in die vrywillige gawes van my mond, o Jehovah,+
En leer my u regterlike beslissings.+
109 My siel is voortdurend in my palm;+
Maar u wet het ek nie vergeet nie.+
110 Die goddeloses het vir my ’n valstrik gespan,+
Maar van u bevele het ek nie afgedwaal nie.+
111 Ek het u herinneringe tot onbepaalde tyd my eie gemaak,+
Want hulle is die vreugde van my hart.+
112 Ek het my hart geneig om u voorskrifte uit te voer,+
Tot onbepaalde tyd, tot die einde toe.+
ס [Saʹmek]
113 Die halfhartiges het ek gehaat,+
Maar u wet het ek liefgehad.+
114 U is my skuilplek en my skild.+
Op u woord het ek gewag.+
115 Gaan weg van my, julle kwaaddoeners,+
Sodat ek die gebooie van my God kan bewaar.+
116 Ondersteun my volgens u woord, sodat ek kan bly lewe,+
En moet my nie beskaamd maak weens my hoop nie.+
117 Onderskraag my, sodat ek gered kan word,+
En ek sal my blik voortdurend op u voorskrifte gerig hou.+
118 U het almal weggewerp wat van u voorskrifte afdwaal;+
Want hulle bedrieglikheid is leuens.+
119 Soos metaalskuim het u ’n einde gemaak aan al die goddeloses van die aarde.+
Daarom het ek u herinneringe liefgehad.+
120 Die vrees vir u het my vlees laat kriewel;+
En weens u regterlike beslissings was ek bang.+
צ [ʽAʹjin]
121 Ek het reg en regverdigheid uitgeoefen.+
Moet my tog nie oorlewer aan dié wat my te kort doen nie!+
122 Tree op as borg vir u kneg ten goede.+
Laat die vermeteles my nie te kort doen nie.+
123 My oë het gesmag na u redding+
En na u regverdige woord.+
124 Handel met u kneg ooreenkomstig u liefderyke goedhartigheid,+
En leer my u voorskrifte.+
125 Ek is u kneg.+ Laat my verstaan,+
Sodat ek u herinneringe kan ken.+
126 Dit is die tyd vir Jehovah om op te tree.+
Hulle het u wet verbreek.+
127 Daarom het ek u gebooie liefgehad,+
Meer as goud, ja, as gelouterde goud.+
128 Daarom het ek al die bevele aangaande alle dinge as reg beskou;+
Elke valse pad het ek gehaat.+
פ [Peʼ]
129 U herinneringe is wonderbaar.+
Daarom het my siel hulle bewaar.+
130 Die onthulling van u woorde gee lig;+
Dit laat die onervarenes verstaan.+
131 My mond het ek wyd oopgemaak om te hyg,+
Want na u gebooie het ek verlang.+
132 Wend u tot my en betoon guns aan my,+
Volgens u regterlike beslissing ten opsigte van dié wat u naam liefhet.+
133 Vestig my voetstappe stewig in u woord,+
En laat niks skadeliks my oorheers nie.+
134 Verlos my van elke bedrieër uit die mensdom,+
En ek sal u bevele onderhou.+
135 Laat u aangesig skyn oor u kneg,+
En leer my u voorskrifte.+
136 Strome water het uit my oë gevloei+
Omdat hulle u wet nie onderhou het nie.+
צ [Sadeʹ]
137 U is regverdig, o Jehovah,+
En u regterlike beslissings is reg.+
138 U het u herinneringe+ beveel in regverdigheid
En in buitengewone getrouheid.+
139 My ywer het ’n einde aan my gemaak,+
Omdat my teenstanders u woorde vergeet het.+
140 U woord is deur en deur gelouter,+
En u kneg het dit lief.+
141 Ek is onbeduidend en veragtelik.+
U bevele het ek nie vergeet nie.+
142 U regverdigheid is regverdigheid tot onbepaalde tyd,+
En u wet is waarheid.+
143 Benoudheid en moeilikheid het my getref.+
Vir u gebooie was ek lief.+
144 Die regverdigheid van u herinneringe is tot onbepaalde tyd.+
Laat my verstaan, sodat ek kan bly lewe.+
ק [Kof]
145 Ek het met my hele hart geroep.+ Antwoord my, o Jehovah.+
U voorskrifte sal ek bewaar.+
146 Ek het u aangeroep. Red my tog!+
En ek sal u herinneringe onderhou.+
147 Ek het vroeg in die oggendskemering+ opgestaan, sodat ek om hulp kan roep.+
Op u woorde het ek gewag.+
148 My oë was die nagwake voor,+
Sodat ek u woord kon oordink.+
149 Hoor tog my stem ooreenkomstig u liefderyke goedhartigheid.+
O Jehovah, hou my in die lewe volgens u regterlike beslissing.+
150 Dié wat losbandige gedrag najaag,+ het naby gekom;
Hulle het ver van u wet verwyderd geraak.+
151 U is naby, o Jehovah,+
En al u gebooie is waarheid.+
152 Lank gelede het ek van u herinneringe geken,+
Want tot onbepaalde tyd het u hulle gegrondves.+
ר [Resj]
153 Sien tog my ellende, en red my;+
Want ek het u wet nie vergeet nie.+
154 Voer tog my regsaak en verlos my;+
Hou my in die lewe in ooreenstemming met u woord.+
155 Redding is ver van die goddeloses,+
Want hulle het u voorskrifte nie gesoek nie.+
156 U barmhartighede is baie, o Jehovah.+
Hou my tog in die lewe volgens u regterlike beslissings.+
157 My vervolgers en my teenstanders is baie.+
Van u herinneringe het ek nie afgewyk nie.+
158 Ek het dié gesien wat verraderlik handel,+
En ek het ’n weersin daarin, want hulle het u woord nie onderhou nie.+
159 Sien tog dat ek u bevele liefgehad het.+
O Jehovah, hou my in die lewe ooreenkomstig u liefderyke goedhartigheid.+
160 Die hele inhoud van u woord is waarheid,+
En elke regverdige regterlike beslissing van u is tot onbepaalde tyd.+
ש [Sin] of [Sjin]
161 Vorste het my sonder oorsaak vervolg,+
Maar my hart het u woorde gevrees.+
162 Ek verheug my oor u woord+
Net soos iemand wat baie buit vind.+
163 Leuens het ek gehaat,+ en ek verfoei dit deurentyd.+
U wet het ek liefgehad.+
164 Sewe keer per dag het ek u geloof+
Weens u regverdige regterlike beslissings.+
165 Oorvloedige vrede behoort aan dié wat u wet liefhet,+
En vir hulle is daar geen struikelblok nie.+
166 Ek het op u redding gehoop, o Jehovah,+
En ek het u gebooie nagekom.+
167 My siel het u herinneringe onderhou,+
En ek het hulle baie lief.+
168 Ek het u bevele en u herinneringe onderhou,+
Want al my weë is voor u.+
ת [Tau]
169 Laat my smekende geroep nader kom voor u, o Jehovah.+
Laat my tog verstaan volgens u woord.+
170 Laat my versoek om guns voor u kom.+
Verlos my tog volgens u woord.+
171 Laat lof by my lippe uitborrel,+
Want u leer my u voorskrifte.+
172 Laat my tong u woord uitsing,+
Want al u gebooie is regverdigheid.+
173 Laat u hand my tot hulp wees,+
Want u bevele het ek gekies.+
174 Ek het na u redding verlang, o Jehovah,+
En vir u wet is ek lief.+
175 Laat my siel in die lewe bly en u bly loof,+
En laat u regterlike beslissings my help.+
176 Ek het soos ’n verlore skaap gedwaal.+ Soek tog u kneg,+
Want ek het u gebooie nie vergeet nie.+