Psalms

36 Die woorde van oortreding is vir die goddelose in die binneste van sy hart;+

Daar is geen vrees vir God voor sy oë nie.+

 2 Want hy het te vleiend teenoor homself gehandel in sy eie oë+

Om sy oortreding uit te vind ten einde dit te haat.+

 3 Die woorde van sy mond is skadelikheid en bedrog;+

Hy het opgehou om insig te hê om goed te doen.+

 4 Skadelike planne bly hy op sy bed beraam.+

Hy gaan staan op ’n weg wat nie goed is nie.+

Wat sleg is, verwerp hy nie.+

 5 O Jehovah, u liefderyke goedhartigheid is in die hemele;+

U getrouheid reik tot aan die wolke.+

 6 U regverdigheid is soos die berge van God;+

U regterlike beslissing is ’n groot waterdiepte.+

U red mens en dier, o Jehovah.+

 7 Hoe kosbaar is u liefderyke goedhartigheid tog, o God!+

En in die skaduwee van u vleuels soek die mensekinders toevlug.+

 8 Hulle drink tot versadiging toe van die vettigheid van u huis;+

En van die stroom van u genietinge laat u hulle drink.+

 9 Want by u is die bron van die lewe;+

Deur lig van u kan ons lig sien.+

10 Laat u liefderyke goedhartigheid voortduur vir dié wat u ken,+

En u regverdigheid vir die opregtes van hart.+

11 Laat die voet van hoogmoed tog nie teen my kom nie;+

Wat die hand van die goddeloses betref, laat dit nie van my ’n swerwer maak nie.+

12 Daar het dié wat skadelike dinge beoefen, geval;+

Hulle is neergestoot en kon nie opstaan nie.+