Psalms

86 Neig u oor, o Jehovah. Antwoord my,+

Want ek is geteisterd en arm.+

 2 Bewaar tog my siel, want ek is lojaal.+

U is my God—red u kneg wat op u vertrou.+

 3 Betoon guns aan my, o Jehovah,+

Want ek roep u die hele dag aan.+

 4 Maak die siel van u kneg bly,+

Want tot u, o Jehovah, hef ek my siel op.+

 5 Want u, o Jehovah, is goed+ en vergewensgesind;+

En die liefderyke goedhartigheid teenoor almal wat u aanroep, is oorvloedig.+

 6 Luister tog, o Jehovah, na my gebed;+

En skenk tog aandag aan die stem van my dringende versoeke.+

 7 In die dag van my benoudheid sal ek u aanroep,+

Want u sal my antwoord.+

 8 Daar is niemand soos u onder die gode nie, o Jehovah,+

Ook is daar niks soos u werke nie.+

 9 Al die nasies wat u gemaak het, sal kom,+

En hulle sal hulle voor u neerbuig, o Jehovah,+

En sal aan u naam heerlikheid gee.+

10 Want u is groot en doen wonderbare dinge;+

U is God, u alleen.+

11 Onderrig my, o Jehovah, aangaande u weg.+

Ek sal in u waarheid wandel.+

Verenig my hart om u naam te vrees.+

12 Ek prys u, o Jehovah my God, met my hele hart,+

En ek sal u naam tot onbepaalde tyd verheerlik,

13 Want u liefderyke goedhartigheid is groot teenoor my,+

En u het my siel uit Sjeool, sy laagste plek, verlos.+

14 O God, die vermeteles het teen my opgestaan;+

En die vergadering van tiranne het my siel gesoek,+

En hulle het u nie voor hulle gestel nie.+

15 Maar u, o Jehovah, is ’n barmhartige en genadige God,+

Wat nie gou toornig word nie+ en oorvloedig is in liefderyke goedhartigheid en waaragtigheid.+

16 Wend u tot my en betoon guns aan my.+

Gee tog u sterkte aan u kneg,+

En red tog die seun van u slavin.+

17 Verrig ten opsigte van my ’n teken wat op goedheid dui,

Sodat my haters dit sien en beskaamd staan.+

Want u, o Jehovah, het my gehelp en vertroos.+