Esegiël

16 En die woord van Jehovah het verder tot my gekom en gesê: 2 “Mensekind, maak aan Jerusalem sy verfoeilike dinge+ bekend.+ 3 En jy moet sê: ‘Só het die Soewereine Heer Jehovah vir Jerusalem gesê: “Jou herkoms en jou geboorte was uit die land van die Kanaäniete.+ Jou vader was ’n Amoriet,+ en jou moeder was ’n Hetiet.+ 4 En wat jou geboorte betref, die dag toe jy gebore is,+ is jou naelstring nie afgesny nie, en jy is nie in water gewas om jou te reinig nie, en jy is glad nie met sout ingevryf nie, en jy is geensins in doeke toegedraai nie. 5 Geen oog het vir jou jammer gevoel om uit medelye met jou een van hierdie dinge vir jou te doen nie,+ maar jy is op die oppervlak van die veld gegooi omdat jou siel verafsku is die dag toe jy gebore is.

6 “‘“En ek het by jou verbygekom en jou in jou bloed sien lê en skop, en ek het vir jou in jou bloed gesê: ‘Bly lewe!’+ ja, ek het vir jou in jou bloed gesê: ‘Bly lewe!’ 7 ’n Baie groot menigte soos die uitspruitsels van die veld het ek jou gemaak sodat jy gegroei+ en groot geword en met die beste sieraad ingekom het.+ Die twee borste het ferm geword, en jou hare het welig gegroei, terwyl jy naak en ontbloot was.”’

8 “‘En ek het by jou verbygekom en jou gesien, en kyk! jou tyd was die tyd vir liefkosings.+ Toe het ek die slip van my kleed oor jou uitgesprei+ en jou naaktheid bedek en ’n beëdigde verklaring aan jou afgelê en ’n verbond met jou aangegaan’,+ is die woord van die Soewereine Heer Jehovah, ‘en so het jy myne geword.+ 9 Verder het ek jou met water gewas+ en jou bloed van jou afgespoel en jou met olie gesalf.+ 10 En ek het vir jou ’n geborduurde kleed+ aangetrek en vir jou skoene van robbevel+ gemaak en jou in fyn linne+ gehul en jou met kosbare materiaal bedek. 11 En ek het jou met sierade versier en armbande+ aan jou hande en ’n ketting+ om jou nek gesit. 12 Verder het ek ’n neusring+ aan jou neus en oorringe aan jou ore+ en ’n pragtige kroon op jou kop+ gesit. 13 En jy het jou met goud en silwer bly versier, en jou klere was fyn linne en kosbare materiaal en ’n geborduurde kleed.+ Fynmeel en heuning en olie+ het jy geëet, en jy het baie, baie mooi geword, en jy het geleidelik geskik geword vir ’n koninklike posisie.’”+

14 “‘En vir jou het daar ’n naam onder die nasies begin uitgaan weens jou skoonheid, want dit was volmaak weens my prag wat ek op jou geplaas het’,+ is die woord van die Soewereine Heer Jehovah.”

15 “‘Maar jy het begin om op jou skoonheid te vertrou+ en weens jou naam ’n prostituut te word+ en jou dade van prostitusie op elke verbyganger uit te stort;+ syne het dit geword. 16 En jy het van jou klere geneem en vir jou veelkleurige hoogtes gemaak+ en daarop prostitusie gepleeg+—sulke dinge kom nie voor nie, en dit moenie gebeur nie. 17 En jy het jou pragtige voorwerpe uit my goud en uit my silwer geneem wat ek jou gegee het+ en vir jou mansbeelde+ gemaak en daarmee prostitusie gepleeg.+ 18 En jy het jou geborduurde klere geneem en hulle bedek; en my olie en my reukwerk+ het jy voor hulle neergesit. 19 En my brood wat ek jou gegee het—fynmeel en olie en heuning wat ek jou laat eet het+—dit het jy ook as ’n rustige geur voor hulle neergesit,+ en dit het aanhou gebeur’, is die woord van die Soewereine Heer Jehovah.”

20 “‘En jy het jou seuns en jou dogters geneem wat jy vir my gebaar het,+ en jy het dié aan hulle geoffer om verteer te word+—is dit nie genoeg van jou dade van prostitusie nie? 21 En jy het my kinders geslag,+ en dié het jy aan hulle gegee deur hulle deur die vuur te laat gaan.+ 22 En in al jou verfoeilike dinge en jou dade van prostitusie het jy nie gedink aan die dae van jou jeug toe jy naak en ontbloot was nie; in jou bloed het jy gelê en skop.+ 23 En ná al jou slegtheid (“wee, wee jou”,+ is die woord van die Soewereine Heer Jehovah) 24 het jy vir jou ’n heuweltjie gebou en vir jou ’n hoogte gemaak op elke openbare plein.+ 25 Aan die bopunt van elke pad het jy jou hoogte+ gebou, en jy het begin om jou skoonheid iets verfoeiliks+ te maak en jou voete vir elke verbyganger uit te sprei+ en jou dade van prostitusie te vermenigvuldig.+ 26 En jy het prostitusie gepleeg met die kinders van Egipte,+ jou bure wat groot van vlees is,+ en jy het aangehou om jou prostitusie oorvloedig te maak om my aanstoot te gee. 27 En kyk! ek sal beslis my hand teen jou uitsteek+ en jou toegewese deel verminder+ en jou oorgee aan die sielsbegeerte+ van die vroue wat jou haat,+ die dogters van die Filistyne,+ die vroue wat weens jou weg van losbandige gedrag verneder is.+

28 “‘En jy het prostitusie gepleeg met die kinders van Assiʹrië omdat jy nie bevredig kon word nie,+ en jy het prostitusie met hulle bly pleeg en is ook nie bevredig nie. 29 Toe het jy jou prostitusie oorvloedig bly maak teenoor die land Kanaän,+ teenoor die Galdeërs;+ en selfs hierdeur is jy nie bevredig nie. 30 Hoe is ek tog met woede teen jou vervul’,+ is die woord van die Soewereine Heer Jehovah, ‘omdat jy al hierdie dinge doen, die werk van ’n vrou,+ ’n baasspelerige prostituut!+ 31 Toe jy jou heuweltjie aan die bopunt van elke pad gebou het en jy jou hoogte op elke openbare plein gemaak het, het jy tog anders as ’n prostituut geword, deurdat jy hoereloon versmaai het. 32 Wat die vrou betref wat egbreuk pleeg, sy neem vreemdelinge in die plek van haar man.+ 33 Aan alle prostitute gee hulle gewoonlik ’n geskenk,+ maar jy—jy het jou geskenke gegee aan almal wat jou hartstogtelik liefhet,+ en jy bied hulle ’n omkoopgeskenk aan om van oral af na jou toe te kom in jou dade+ van prostitusie. 34 En in jou geval vind die teenoorgestelde in jou dade van prostitusie plaas as met ander vroue, en geen prostitusie soos joune is gepleeg nie, ja, deurdat jy hoereloon gegee het terwyl aan jou geen hoereloon gegee is nie, en so vind die teenoorgestelde plaas.’

35 “Daarom, o prostituut,+ hoor die woord van Jehovah.+ 36 Só het die Soewereine Heer Jehovah gesê: ‘Omdat jou wellus uitgestort is+ en jou geslagsdele+ ontbloot word in jou dade van prostitusie teenoor dié wat jou hartstogtelik liefhet+ en teenoor al jou verfoeilike drekgode,+ selfs met die bloed van jou kinders wat jy aan hulle gegee het,+ 37 daarom, kyk, ek bring almal bymekaar wat jou hartstogtelik liefhet, vir wie jy aangenaam was, en almal wat jy liefgehad het tesame met almal wat jy gehaat het, en ek sal hulle van oral af teen jou bymekaarbring en jou geslagsdele vir hulle ontbloot, en hulle sal al jou geslagsdele sien.+

38 “‘En ek sal jou oordeel met die oordele van egbreeksters+ en vroue wat bloed vergiet,+ en ek sal jou die bloed van woede en jaloesie gee.+ 39 En ek sal jou in hulle hand gee, en hulle sal beslis jou heuweltjie afbreek,+ en jou hoogtes sal beslis omgegooi word,+ en hulle sal jou klere uittrek+ en jou pragtige voorwerpe+ neem en jou naak en ontbloot agterlaat. 40 En hulle sal ’n vergadering teen jou laat optrek+ en jou met klippe gooi+ en jou met hulle swaarde doodmaak.+ 41 En hulle sal jou huise met vuur verbrand+ en in jou strafgerigte voor die oë van baie vroue voltrek;+ en ek sal ’n einde aan jou prostitusie maak,+ en jy sal ook geen hoereloon meer gee nie. 42 En ek sal my woede tot bedaring bring in jou,+ en my jaloesie sal van jou wyk;+ en ek sal stil wees en nie meer aanstoot neem nie.’

43 “‘Omdat jy nie aan die dae van jou jeug gedink het nie+ en jy my weens al hierdie dinge ontstig het+—ja, kyk, ek sal ook jou weg op jou hoof laat neerkom’,+ is die woord van die Soewereine Heer Jehovah, ‘en jy sal beslis geen losbandige gedrag naas al jou verfoeilike dinge beoefen nie.

44 “‘Kyk! Elkeen wat ’n spreekwoord+ teen jou gebruik, sal die spreekwoord gebruik wat lui: “Soos die moeder is, so is haar dogter!”+ 45 Jy is die dogter van jou moeder,+ wat haar man en haar kinders verafsku het.+ En jy is die suster van jou susters, wat hulle mans en hulle kinders verafsku het. Julle moeder, o vroue, was ’n Hetiet,+ en julle vader was ’n Amoriet.’”+

46 “‘En jou ouer suster is Samariʹa+ met haar afhanklike dorpe,+ wat links van jou woon, en jou suster wat jonger is as jy, wat regs van jou woon, is Sodom+ met haar afhanklike dorpe.+ 47 En jy het nie in hulle weë gewandel nie, en ook het jy nie volgens hulle verfoeilike dinge gehandel nie.+ Binne ’n baie kort rukkie het jy in al jou weë selfs verderfliker as hulle begin handel.+ 48 So waar as ek lewe’, is die woord van die Soewereine Heer Jehovah, ‘jou suster Sodom, sy met haar afhanklike dorpe, het nie gehandel soos jy gehandel het nie, jy en jou afhanklike dorpe.+ 49 Kyk! Dít was die oortreding van jou suster Sodom: Trots,+ genoeg brood+ en sorgelose+ rus het aan haar en haar afhanklike dorpe behoort,+ en die hand van die geteisterde+ en die arme het sy nie versterk nie.+ 50 En hulle het hoogmoedig+ gebly en voortdurend iets verfoeiliks voor my beoefen,+ en ek het hulle uiteindelik verwyder, soos ek dit goed geag het.+

51 “‘En wat Samariʹa+ betref, sy het nie eens die helfte van jou sondes gedoen nie, maar jy het voortdurend jou verfoeilike dinge oorvloediger gemaak as hulle, sodat jy jou susters regverdig laat lyk het weens al jou verfoeilike dinge wat jy beoefen het.+ 52 Jy dan, dra jou vernedering wanneer jy ten gunste van jou susters moet pleit. Weens jou sondes waarin jy verfoeiliker as hulle gehandel het, is hulle regverdiger as jy.+ En jy dan, staan beskaamd en dra jou vernedering deurdat jy jou susters regverdig laat lyk.’

53 “‘En ek sal hulle gevangenes versamel,+ die gevangenes van Sodom en van haar afhanklike dorpe, en die gevangenes van Samariʹa en van haar afhanklike dorpe; ek sal ook jou gevangenes in hulle midde versamel,+ 54 sodat jy jou vernedering kan dra;+ en jy sal verneder voel oor alles wat jy gedoen het, deurdat jy hulle getroos het.+ 55 En jou susters, Sodom en haar afhanklike dorpe, sal na hulle vroeëre toestand terugkeer, en Samariʹa en haar afhanklike dorpe sal na hulle vroeëre toestand terugkeer, en jy en jou afhanklike dorpe sal na julle vroeëre toestand terugkeer.+ 56 En jou suster Sodom was in die dag van jou trots dit nie werd om uit jou mond van te hoor nie,+ 57 voordat jou slegtheid blootgelê is,+ soos in die tyd van die smaad van die dogters van Sirië+ en van almal wat daar rondom was, die dogters van die Filistyne,+ dié wat jou van alle kante met minagting behandel het.+ 58 Jou losbandige gedrag+ en jou verfoeilike dinge moet jy dra’,+ is die woord van Jehovah.”

59 “Want só het die Soewereine Heer Jehovah gesê: ‘Ek sal ook aan jou doen net soos jy gedoen het,+ omdat jy die eed verag het deur my verbond te verbreek.+ 60 En ek, ek sal dink aan my verbond met jou in die dae van jou jeug,+ en ek sal vir jou ’n verbond tot stand bring wat tot onbepaalde tyd duur.+ 61 En jy sal beslis aan jou weë dink+ en verneder voel wanneer jy jou susters ontvang, dié wat ouer is as jy sowel as dié wat jonger is as jy, en ek sal hulle beslis as dogters aan jou gee,+ maar nie weens jou verbond nie.’+

62 “‘En ek, ek sal my verbond met jou tot stand bring;+ en jy sal moet weet dat ek Jehovah is, 63 sodat jy daaraan sal dink en beskaamd sal staan+ en jy weens jou vernedering geen rede meer sal hê om jou mond oop te maak nie,+ wanneer ek vir jou versoening doen+ vir alles wat jy gedoen het’, is die woord van die Soewereine Heer Jehovah.”