Galasiërs
3 O onverstandige Galasiërs, wie het julle onder ’n bose invloed gebring,+ julle voor wie se oë Jesus Christus openlik uitgebeeld is as aan die paal gehang?+ 2 Net dít wil ek by julle verneem: Het julle die gees ontvang+ weens werke van die wet+ of omdat julle deur geloof gehoor het?+ 3 Is julle só onverstandig? Word julle nou, nadat julle in die gees begin het,+ in die vlees voltooi?+ 4 Het julle verniet soveel lyding ondergaan?+ As dit wél verniet was. 5 Hy dan wat aan julle die gees verskaf+ en kragtige werke+ onder julle verrig, doen hy dit as gevolg van werke van die wet of omdat julle deur geloof gehoor het? 6 Net soos Abraham ‘geloof in Jehovah gestel het, en dit is hom as regverdigheid toegereken’.+
7 Julle weet tog dat dié wat aan geloof vashou,+ kinders van Abraham is.+ 8 En die Skrifgedeelte, wat vooruitgesien het dat God mense van die nasies weens geloof regverdig sou verklaar, het vooraf die goeie nuus aan Abraham bekend gemaak, naamlik: “Deur middel van jou sal al die nasies geseën word.”+ 9 Gevolglik word dié wat aan geloof vashou, saam met die getroue Abraham+ geseën.+
10 Want almal wat op werke van die wet staatmaak, is onder ’n vloek; want daar staan geskrywe: “Vervloek is elkeen wat nie in al die dinge bly wat in die boekrol van die Wet geskrywe staan om dit te doen nie.”+ 11 En dat niemand deur die wet by God regverdig verklaar word nie,+ is duidelik, want “die regverdige sal weens geloof lewe”.+ 12 Maar die Wet hou nie vas aan geloof nie, maar “hy wat dit nakom, sal daardeur lewe”.+ 13 Christus het ons losgekoop+ van die vloek van die Wet deur in ons plek ’n vloek te word,+ want daar staan geskrywe: “Vervloek is elkeen wat aan ’n paal gehang is.”+ 14 Die doel was dat die seën van Abraham deur middel van Jesus Christus vir die nasies tot stand sou kom,+ sodat ons die beloofde gees+ deur ons geloof kon ontvang.+
15 Broers, ek spreek met ’n menslike illustrasie: Niemand stel ’n bekragtigde verbond, al is dit ’n mens s’n, tersyde of las byvoegings daarby nie.+ 16 Nou is die beloftes aan Abraham+ en aan sy saad+ gemaak. Dit sê nie: “En aan sade”, soos in die geval van baie nie, maar soos in die geval van een:+ “En aan jou saad”,+ wat Christus is.+ 17 Verder sê ek dít: Wat die verbond betref wat vantevore deur God bekragtig is,+ die Wet wat vierhonderd-en-dertig jaar+ later tot stand gekom het, maak dit nie kragteloos om sodoende die belofte tot niet te maak nie.+ 18 Want as die erfenis weens die wet kom, kom dit nie meer weens die belofte nie;+ terwyl God dit goedgunstig deur ’n belofte aan Abraham gegee het.+
19 Waarom dan die Wet? Dit is bygevoeg om oortredings openbaar te maak,+ totdat die saad sou kom+ aan wie die belofte gemaak is; en dit is deur middel van engele+ deur die hand van ’n middelaar+ oorgedra. 20 Daar is egter geen middelaar waar daar net een persoon is nie, maar God is net één.+ 21 Is die Wet dan teen die beloftes van God?+ Mag dit nooit gebeur nie! Want as ’n wet gegee was wat die lewe kon gee,+ sou regverdigheid inderdaad deur middel van die wet gewees het.+ 22 Maar die Skrif+ het alles saam in die bewaring van die sonde oorgegee,+ sodat die belofte wat voortspruit uit geloof in Jesus Christus, gegee kon word aan dié wat geloof beoefen.+
23 Maar voordat die geloof gekom het,+ is ons onder die wet bewaak,+ aangesien ons saam in bewaring oorgegee is, in afwagting van die geloof wat bestem was om geopenbaar te word.+ 24 Gevolglik het die Wet ons tugmeester geword wat na Christus gelei het,+ sodat ons weens geloof regverdig verklaar kon word.+ 25 Maar noudat die geloof gekom het,+ is ons nie meer onder ’n tugmeester nie.+
26 Julle is in werklikheid almal kinders+ van God deur julle geloof in Christus Jesus. 27 Want julle almal wat in Christus gedoop is,+ het julle met Christus beklee.+ 28 Daar is nie Jood of Griek nie,+ daar is nie slaaf of vrygeborene nie,+ daar is nie man of vrou nie;+ want julle is almal een persoon in eenheid met Christus Jesus.+ 29 Wat meer is, as julle aan Christus behoort, is julle werklik Abraham se saad,+ erfgename met betrekking tot ’n belofte.+