LES 13
Timoteus wou mense help
Timoteus was ’n jong man wat mense graag wou help. Hy het na verskillende plekke gereis om ander te help. Daarom het hy ’n baie opwindende lewe gehad. Wil jy graag daarvan hoor?—
Timoteus se ma en ouma het hom van Jehovah geleer
Timoteus het grootgeword in ’n stad met die naam Listra. Toe hy klein was, het sy ouma Loïs en sy ma, Eunice, hom van Jehovah begin leer. Toe hy grootgeword het, wou hy ander help om van Jehovah te leer.
Toe Timoteus nog ’n jong man was, het Paulus hom gevra om saam met hom te reis sodat hulle op ander plekke kon preek. Timoteus het gesê: ‘Ja, ek wil!’ Hy was gereed om ander te gaan help.
Timoteus het saam met Paulus na die stad Tessalonika in Masedonië gereis. Om daar te kom, moes hulle ver loop en daarna ’n boot neem. Toe hulle uiteindelik daar gekom het, het hulle baie mense gehelp om van Jehovah te leer. Maar party mense was kwaad en het hulle probeer seermaak. Daarom moes Paulus en Timoteus weggaan en op ander plekke gaan preek.
Timoteus het ’n gelukkige en opwindende lewe gehad
’n Paar maande later het Paulus vir Timoteus gevra om terug te gaan na Tessalonika en te kyk hoe dit met die broers gaan. Hy het baie moed nodig gehad om terug te gaan na daardie gevaarlike stad! Maar Timoteus het gegaan omdat hy bekommerd was oor die broers daar. Hy het met goeie nuus na Paulus toe teruggekom. Dit het baie goed gegaan met die broers in Tessalonika!
Timoteus het jare lank saam met Paulus gewerk. Paulus het eenkeer geskryf dat Timoteus die beste persoon was wat hy kon stuur om die gemeentes te help. Timoteus was lief vir Jehovah en vir mense.
Is jy lief vir mense en wil jy hulle help om van Jehovah te leer?— Dan kan jy ’n baie gelukkige en opwindende lewe hê, soos Timoteus!