Jaarteks vir 2016
“Laat julle broederliefde voortduur.”—Hebreërs 13:1
“Baie [sal] mekaar haat. . . . Die liefde van die meeste [sal] verkoel” (Matt. 24:10, 12). Met hierdie woorde het Jesus voorspel dat ’n gebrek aan liefde ’n kenmerk sou wees van mense gedurende die jare voor die vernietiging van Jerusalem in 70 HJ. Maar Christus se dissipels sou geïdentifiseer word deur die liefde wat hulle openbaar (Joh. 13:35). Hoe aanmoedigend moes dit tog vir die Hebreeuse Christene in Jerusalem gewees het om Paulus se woorde te lees wat hulle broederliefde erken het en hulle aangespoor het om voort te gaan om dit aan die dag te lê!
Vandag kom die vernietiging van Satan se hele wêreldwye stelsel van dinge al hoe nader. Soos ons broers in die eerste eeu, lewe ons tussen mense wat lief is vir geld, genot en hulleself, maar min liefde vir God of hulle naaste het (2 Tim. 3:1-4). Maar broederliefde floreer regoor die aarde onder Jehovah se Getuies. Mag ons ons broederliefde laat voortduur tot lof van Jehovah, die verpersoonliking van liefde.