Kom! Word verkwik

1. Vandag is die wêreld so wet’loos en hard;

hul ken nie Jehovah se weë.

Waar vind ons die wysheid wat lei tot sukses,

die raad wat ons rigting sal gee?

Vergad’rings verkwik ons en gee ons weer hoop;

dit help om geloof op te bou.

Dit spoor ons ook aan tot voortreflike werk,

versterk ons om moed te kan hou.

Ons sal nooit die weg van Jehovah versaak;

sy wil is vir ons van belang.

Ons leer by vergad’rings om liefde te toon;

dus sal ons Gods seën ontvang.

2. Jehovah is van ons behoeftes bewus;

gee ag op sy raad soos dit hoort.

Ons koop die tyd uit, kom gereeld bymekaar;

dit toon ons vertrou God se Woord.

Godvresende manne wat ons onderrig,

wil graag ons geloof ondersteun.

Ons het ook die hele gemeenskap van broers;

nooit is ons dus werklik alleen.

In afwagting van ’n veel betere tyd

vergader ons nou des te meer;

kry leiding wat nou reeds ons lewe verryk

met wysheid van God, onse Heer.