Eeue tevore is Jesus se geboorteplek in ’n Bybelprofesie voorspel: “Jy, o Betlehem Efrata, wat te klein is om onder die duisende van Juda te wees, uit jou sal daar vir my die een voortkom wat die heerser in Israel sal word” (Miga 5:2).* Betlehem was blykbaar te klein om onder die stede in die gebied van Juda genoem te word. Maar hierdie dorpie sou ’n unieke voorreg geniet. Die beloofde Messias, of Christus, sou uit Betlehem kom.—Matteus 2:3-6; Johannes 7:40-42.