Edɔ ciwo pleŋ mìwo nɔvinyɔnuwo wakɔ le Yehowa sumɔsumɔdɔ lɔ mɛ na woje nɔ kanfukanfu. Edɔ ɖewo yí nyi exɔ cucu koɖo ebulele nɔ wo, kunuɖeɖe koɖo gbɛbɔbɔ ciwo yí donɔ egbe buwo koɖo lɔnlɔn faa dɔwawa le Betɛli dɔwaxuwo mɛ. Wogbedonɔ alɔ nɔviwo le jɔjɔmɛfɔkuwo mɛ, wonanɔ kpekpedonu le egbegɔnmɛɖexuwo yí gbenyi emɔɖetɔ koɖo eŋɛnywidratɔ ejugodutɔwo. Gbesɔ kpe niɔ, nɔvinyɔnuwo kpenɔdo wowo suwo nu yí wotɛnŋ sɔnɔ wowo gbanleamɛjiwo le hamɛ lɔ koɖo habɔbɔ lɔ mɛ. Nɔviŋsu cɛ ciwo yí le agbanleamɛji tɔxuwo dasun ji anyi “enunana [ciwo yí nyi] amɛwo” nɔ wowo shiwo dekpedo wowo nu o. (Efe. 4:8) Hamɛmɛshinshin nyaŋɖɛwo donɔ jeshi mɔ nɔvinyɔnuwo nyi “ahwakɔn gangan ɖeka” ciwo yí lɔn faa yí wanɔ dɔ yí gbedranɔ eŋɛnywi lɔ nywiɖe. Gbesɔ kpe niɔ, hamɛmɛshinshinwo donɔ jeshi mɔ nɔvinyɔnu shinshin egbejinɔtɔwo kpenɔdo nɔvinyɔnu jajɛ ciwo yí tokɔ cukaɖawo mɛ nu nywiɖe. (Titu 2:3-5) Kankandojitɔɔ, mìwo nɔvinyɔnuwo je nɔ kanfukanfu koɖo lɔnlɔn! w20.09 23-24 ¶13-14