ƐNTƐNƐTI JI WEMADADOXU Watchtower Tɔ
Watchtower
ƐNTƐNƐTI JI WEMADADOXU
Aja
À
  • À
  • à
  • Á
  • á
  • É
  • é
  • È
  • è
  • Ɛ
  • ɛ
  • Ɖ
  • ɖ
  • Ó
  • ó
  • Ò
  • ò
  • Ú
  • ú
  • Ù
  • ù
  • Í
  • í
  • Ì
  • ì
  • Ɔ́
  • ɔ́
  • Ɔ̀
  • ɔ̀
  • Ɔ̌
  • Ӡ
  • ӡ
  • BIBLA
  • WEMAWO
  • BƆBƆWO
Wema ciwo yí le Ajagbe mɛ (2015-2022)
To le mɛ
Ðo mɛ
ƐNTƐNƐTI JI WEMADADOXU Watchtower Tɔ
Watchtower
ƐNTƐNƐTI JI WEMADADOXU
Eozɔn.
Edɔwanu ci Yehowa Kunuɖetɔwo wa yí wosɔ wanɔ numɛkuku le wemawo mɛ do egbe vovovowo mɛ yí enyi.
Nɔ èji mɔ yeawa kɔpi nɔ wemawoɔ, mìɖe kuku yi jw.org ji.
  • Egbɛ

Tɛnigbe 16 mai

Mɛ ɖekpokpwi de jeshi hwecinu yí ŋkeke alo gaxoxo lɔ a va o, . . . Edanyɛ ɖekɛ kpaŋ yí jeshii.—Mt. 24:36.

Le eju ɖewo mɛɔ, nɔ amɛwo se eŋɛnywi lɔɔ, wojinɔ veviɖe mɔ yewoakpla nu sugbɔ doji. Ele shigbe mɔ wole te kpɔɛ sa hannɛ! Le eju buwo mɛɔ, amɛwo delɔnnɔ mɔ yewoaxo nuxu so Mawu alo Bibla nu ahan o. Lé amɛwo wanɔ nu do eŋɛnywi lɔ nu lé fini èleɔ? Nɔ wowanɔ nu do ɖe can ɔ, Yehowa ji mɔ mìwo le kpɔtɔ aɖekɔ kunu keke ana nɔ hwecinu yeamɔ edɔ lɔ vɔ. Yehowa ɖo gamɛ ci ji eŋɛnywidradradɔ lɔ avɔ le, “hwehunnɔnu yí vɔvɔɛnu lɔ avaɖo.” (Mt. 24:14) Yesu nu daɖɛ mɔ nɔnɔmɛ vwinwo koɖo ŋɖewo ajɔ le ŋkeke vɔvɔ lɔwo mɛ. Énya mɔ enu cɛwo tɛnŋ na ye dokplɔtɔwo ami eŋɛnywi lɔ dradra. Eyi taɖo enu nɔ wo mɔ wo le kpɔtɔ ‘anɔ zanŋte.’ (Mt. 24:42) Le Nowe hwenuɔ, enu sugbɔ na amɛwo degbesɔ susu ɖo amɛkanxlenyɔ yi tɔwo ji o. Le egbɛmɛɔ, enu ŋtɔ́wo ke atɛnŋ adɔn mìwo susu. (Mt. 24:37-39; 2 Piɛ 2:5) Eyi taɖo mìji mɔ mìakpɔtɔ asɔ Yehowa dɔ ci edɔ mì ɖo texwe ŋkɔtɔ. w20.09 8 ¶1-2, 4

Gbeje Enuŋwlɛŋwlɛ lɔwo mɛ Ŋkeŋke—2022

Tanatagbe 17 mai

Amɛ ɖeka ɖeka ci yí dro mɔ ye a nɔ̀ Mawu mɔ ji le Kristo Yesu mɛ ɔ, wo trenɔfun ni.—2 Tim. 3:12

“Ejibibi ɖɔ lanmɛ nɔ” Satana sugbɔ, eyi taɖo mìdatɛnŋ ashi nɔ enu ciwo yi dɔmɛzidodo lɔ ahɛn vɛ o. (Enyɔ. 12:12) Sabaɖeɔ, woado mì pleŋ xɔse kpɔ. Le majinjinɖe mɛɔ, “xáxá gangan ɖeka a va. Xáxá ahancitɔ ɖekpokpwi de jɔ kpɔ gbeɖe so gɔnmɛjeje nɔ xexemɛ lɔ keke va nanɔ egbɛ ŋkekewo mɛ o.” (Mt. 24:21) Hwenɔnuɔ, mìwo xomumɛtɔwo tɛnŋ fɔn do mì ji yí wotɛnŋ ɖo te mìwo dɔ. (Mt. 10:35, 36) Shigbe Efyɔ Asa nɛ ɖe, mìwo domɛtɔ ɖekaɖeka akando Yehowa ji mɔ yɛakpedo ye nu yí aglɔn ta nɔ ye hwenɔnua? (2 Kro. 14:11, NWT) Yehowa drakɔ mì do ɖɛ le gbɔngbɔnmɛ nɔ enu ciwo yí avajɔ le esɔmɛ. Eyi taɖo edadasɛ mɔ nɔ “hwashi egbejinɔtɔ koɖo ŋɖɛnyatɔ lɔ,” nɔ ana ‘ŋɖuɖu mì do gamɛ nywitɔ ji’ yí akpedo mì nu mìakpɔtɔ asɛnŋ. (Mt. 24:45, NWT) Vɔ mìɖo awa mìwo kpaxwe gbɔxwe xɔse ci mìɖo do Yehowa nu asɛnŋ.—Ebre. 10:38, 39. w20.09 18 ¶16-18

Gbeje Enuŋwlɛŋwlɛ lɔwo mɛ Ŋkeŋke—2022

Zangagbe 18 mai

Efyɔ ji le shigbe shisalu nɛ le alɔ mɛ nɔ Yehowa. Étrɔɛni ɖaɖa fiɖekpokpui ci Eji.—Elo. 21:1, NWT.

Yehowa tɛnŋ zan yi gbɔngbɔn kɔkɔɛ sɛnŋ lɔ yí asɔ cucu mɛ ciwo yí le acɛtɔxuwo nɔ woawa enu ci eji, nɔ esɔgbe koɖo yi tamɛɖoɖo. Agbetɔwo atɛnŋ aɖe shisalu yí atrɔ mɔ nɔ eshi lɔ nɔ asa yi fini woji mɔ yɛ le yi. Ahanke, Yehowa atɛnŋ azan yi gbɔngbɔn lɔ asɔ trɔ susu nɔ acɛkpatɔwo nɔ woawa enu ciwo yí wa ɖeka koɖo yi tamɛɖoɖo. Nɔ evajɔ ahan ɔ, mɛ ciwo yí le acɛtɔxuwo kpɔɛni mɔ yewoɖo asɔ gbeta ciwo yí ado Mawu mɛwo ji. (Sɔ sɔ koɖo Ezra 7:21, 25, 26.) Nyi mìatɛnŋ awaɔ? Mìatɛnŋ ado gbe ɖaɖa “dota nɔ efyɔwo koɖo amɛ ciwo pleŋ yí ɖo acɛkpakpa” nɔ woasɔ gbeta ciwo yí aɖe mɔ nɔ mì yí mìawa mìwo sɛnsɛndɔwo. (1 Tim. 2:1, 2; Nex. 1:11) Shigbe lé exwe sanŋdi ŋkɔtɔ mɛ Kristotɔwo wɛ nɛɔ, mìwo can mìdonɔ gbe ɖaɖa sɛnsinɖe nɔ Mawu do ta nɔ mìwo nɔviŋsu koɖo nɔvinyɔnu ciwo yí le gakpa mɛ.—Edɔ. 12:5; Heb. 13:3. w20.11 15 ¶13-14

Gbeje Enuŋwlɛŋwlɛ lɔwo mɛ Ŋkeŋke—2022
Eozɔn.
Edɔwanu ci Yehowa Kunuɖetɔwo wa yí wosɔ wanɔ numɛkuku le wemawo mɛ do egbe vovovowo mɛ yí enyi.
Nɔ èji mɔ yeawa kɔpi nɔ wemawoɔ, mìɖe kuku yi jw.org ji.
  • Aja
  • Miin
  • Cancanwo
  • Copyright © 2022 Watch Tower Bible and Tract Society of Pennsylvania
  • Yizanzan sewo
  • Amɛ ŋtɔ nyɔtakankan totowo
  • JW.ORG
  • Ðo mɛ
Miin