Pakayni i siniˈada ni Yihofa, mafanaˈay kita to maanan hani? Iraay ko maanan a tinakoan misawacayay to ‘cowa ka olah Cingra malaˈafo ko cecacecay tamdaw’ hani? (2 Pitiro 3:9) Nengnengen samaanay Cingra siniˈada to papina pakidemay ko raraw a tamdaw. Midemakay ko Hongti ci Tafiti to adihayay pakidemay a raraw, mahawpay ko maˈaˈodangay ato mipatayay to tamdaw. Kawra pasasiyor ci Tafiti ikor, paihkalay ci Yihofa to siniˈada cingranan, misodod cingranan. (2 Samuil 12:1-12) Hakelong no kaˈorip no hongti ci Manasi midemakay to adihayay tatiihay a demak. Soˈliˈlin pakidemay ko raraw ningra, kawra mikifalocoˈ cingra pasasiyor ikor, kamayan ci Yihofa sidaˈit a misodod cingranan. (2 Rayray 33:9-16) Mahapinangay ita, ano iraay ko lalangian saan ci Yihofa, wa siniˈada to tamdaw. Soˈlin o pakidem ko raraw, ano mihayi cingra to raraw hanaca mikifalocoˈ pasasiyor, o papatikolen ni Yihofa paˈorip cingra. w24.05 4 fiedac 12 fatac

Lidongen ni Yihofa ko Israil tamdaw miliyas to kala koli i Icip ikor, minilnilay to saysi matayal itini fangcalay pakopangan, miocorayho to Lifi a tamdaw misimaw to fangcalay pakopangan. Kawra, oya matayalay itini fangcalay pakopangan a tamdaw, anca mingataay to fangcalay pakopangan ko pikilomaˈan a tamdaw, cowa ka pilifok to mikiriwiˈay a pidimokos ni Yihofa, samanen cowa ka pisakakinih ci Yihofa. Kahacecay itiniay i taroˈan ko kitiraan a Israil tamdaw, ngangaˈay palahad to tangongolay kalawidang ci Yihofaan, micada to sadimokos Ningra. Tinakoen, paˈarawan ni Yihofa ko polong a Israil tamdaw to fafekangay no fangcalay pakopangan a toˈem to romiˈad, to dadaya ira ko likat no namal. (Kasadakan 40:38) Ano malinah ko toˈem i, oya maraayay ko taroˈan a Israil tamdaw pakaˈaraway cangra, ngaˈay cangra milosimet to taroˈan ato dafong, dotoc malacafay to ˈalomanay a malingad. (Saˈosi 9:15-23) Malecaday anini, ano icowaayto ko kitiraan ita, ngangaˈay micada to olah ato sadipot ni Yihofa. w24.06 4 fiedac 10-12 fatac

Wawa ni Tafiti ci Apsalom sapiˈafasaw to saaroˈan no hongti, mihaenay i, katalawanto ko ˈorip ni Tafiti. (2 Samuil 15:12, 13) Malingad cangra i, mahapinang ni Tafiti to aaira ko materekay a tamdaw ngaˈ, ho paratoh i cangranan to demak ni Apsalom. Mansa, ocoran ningra ci Catok ato roma saysi minokay i Yirusalim a misolap. (2 Samuil 15:27-29) Ocor sa ci Catok ato widang ningra ci Husay, misao mihakelongay ci Apsaloman. (2 Samuil 15:32-37) Toor han ni Husay ko halaka ni Tafiti, mipaini ci Apsaloman, ˈarawhan oniya sapaini, wa panayar paira to hatoki ni Tafiti a milaliw. Mihayi ci Apsalom ikor i, tangsol sa a paratoh ci Husay ci Catokan aci Apiyataran. (2 Samuil 17:8-16) Dotoc, ocoran nangra ko roma sikawdan a paratoh ci Tafitian. Itini i sapadama ni Yihofa, midipotay ci Catok ato roma saysi to ˈorip ni Tafiti.(2 Samuil 17:21, 22) w24.07 4-5 fiedac 9-10 fatac