Ti doy pichi letra ebrew kewün mu kellukeeiñmu

¿Rüf maneluwafuiñ ñi femürpual kom ñi feypikünuel Chaw Ngünechen? Jesus maneluwkefuy tüfa mu, ka tañi kimeltun kellufi tañi pu allkütukeetew ñi doy mupiltuleal engün. Ngüneduamnge Jesus ñi wewpiel ti fütra wingkul mu, tüfa müley Matew 5:18 mu: “Rüf dungu ta feypiwayiñ petu tañi mülen ta wenu mapu ka tüfachi nag mapu, entuñmangelayay tati ley dungu kiñe puntu ka kiñe letra no rume, kom mupile wüla Ngünechen ñi adkünuelchi dungu”.

Ebrew kewün mu tati doy pichi letra fey י (yod), tüfa tati wünen letra mülelu ti Tetragrámaton mu, fey ta Chaw Dios ñi fütra üy, Jewba.a Pu escriba ka farisew ngüneduamkefuy ñi wirintukungeel Chaw Ngünechen tañi ley mu, ka rumeñma falintukefuy itrofill pichi wirin kütu.

Jesus feypi ñi doy pepilfalngen ti fütra wenu ka ti Mapu ñi rupayal ñi femtripayal itrokom dungu ñi feypiel tati ley. Welu Biblia feypikeeiñmu ñi rumel müleal fütra wenu ka ti Mapu (Salmo 78:69). Tüfachi feypin mu Jesus kimfalkünuy ñi femtripayal kom ti ley, pichike dungu ngefule rume.

Chaw Jewba, ¿falintukepey may ti doy pichike dungu? Femi llemay. Rakiduamnge tüfa: kuyfi mu, pu israelche feypingey ñi trafoñmanoafiel kiñe foro no rume tati korderu Paskua kawiñ mu (Éxodo 12:46). Chem dungu no trokingeafuy chi. Fey pu israelche, ¿kimtukuyngün chumngelu ñi femnoal tüfa? Kimlayngün chi. Welu Chaw Jewba kimniefuy tüfa ñi feypikünuel tati Mesia ñi trafoñmangenoal kiñe foro no rume langümngele orkon mamüll mew (Salmo 34:20; Juan 19:31-33, 36, Traducción del Nuevo Mundo, TNM).

¿Chem kimeltukeeiñmu Jesus ñi feypin? Iñchiñ ka maneluwafuiñ ñi femtripayal kom dungu ñi feypikünuel Jewba. ¡Ti doy pichi letra ebrew kewün mu kellukeeiñmu taiñ doy mupiltuleal!