Taiñ pu caiñe feipiqueingün coilaque dungu, ayüqueingün taiñ huesa raquiduamal taiñ pu loncolelu mu (Sal. 31:13). Quiñeque taiñ pu peñi presungequei ñi juiciantucungeal quiñe hueñefe reque. Femngechi dungu mu rupai Pablo hunen siglo mu. Feipintucungei ca presungei ñi huesa femnon mu rume. Quiñeque peñi ca quiñeque lamngen quisucünueyu (2 Tim. 1:8, 15; 2 Tim. 2:8, 9). Pablo rume huesaque dungu mu rupai. Ca cuñihun-ngen mu rume, fei rume cüdahui tañi pu peñi ca pu lamngen mu. Feimu, ¿rume hueñancüpelai Pablo tañi femün mu engün? (Hech. 20:18-21; 2 Cor. 1:8). Femlayaiñ feitachi pu cristiano reque. Feimu afmatulayaiñ Huecüfü tañi inacayafiel tati pu loncolelu. Huecüfü ayüniei pu loncolelu ñi püntütripayal Jehová mu ca iñchiñ taiñ llicayal (1 Ped. 5:8). Püntütripalayaiñ taiñ pu peñi mu, quellunieafiyiñ (2 Tim. 1:16-18). w22.11 pag. 16, 17 parr. 8-11

Feitachi hueñefe inafülcülelu Jesús petu ñi lanon, ¿judiongepelai? ¿Chumngelu feipiafuiñ? Pu judio feyentuquefingün quiñe Ngünechen müten. Huelu caquelu troquiñche fentren dios feyentuquefingün (Éx. 20:2, 3; 1 Cor. 8:5, 6). Judiongenofule feitachi huentru, feipilayafui ñi feipin taiñ texto fachantü, doi mai ramtuafui: “¿Turpu yamquelafimi pu dios?”. Cafei Jesús huercüngei ñi quelluafiel pu Israel che müten ñamquiyauchi ufisa reque felelu (Mat. 15:24). Ca femngechi Chau Dios feipifui pu Israel che tañi huiñomongeltuafiel pu layelu. Feiti hueñefe huentru quimtucuniepelafui tañi feipicünun ta Chau Dios. Feimu quimniefui chi Jehová ñi huiñomongeltuafiel ta Jesús tañi ngünenieal. Ca ¿maneluucülepelafui ti huentru Chau Dios ñi huiñomongeltuaeteu? Ñi judio huentrungen mu peno feimu quimniefui Chau Dios ñi elcünufiel Adán engu Eva ti cüme mapu mu. Feimu ñi feipin Jesús Lucas 23:43 mu, tüfachi huentru raquiduampelafui tañi ayüfalngetual ta mapu (Gén. 2:15). w22.12 pag. 8, 9 parr. 2, 3

Chau Ngünechen ñi nehuen quellueiñmu taiñ amuldungual. ¿Chumngelu feipiqueiñ tüfa? Huecüfü hueichaqueiñmu reque taiñ amuldunguhuenoal (Apoc. 12:17). Iñchiñ taiñ raquiduam mu Huecüfü rume nehuen-ngei iñchiñ mu piafuiñ. Huelu taiñ amuldungun mu, hueuniefiyiñ reque (Apoc. 12:9-11). Taiñ coneltulen amuldungun mu, pengelqueiñ taiñ llicanofiel ta Huecüfü chem chumle rume. Femngechi femün mu iñchiñ, hueuniefiyiñ reque ta Huecüfü. Feimu llemai, caiñetungelu rume iñchiñ, amuldungulelquefiyiñ ta pu che. Tüfa pengelquei taiñ quellueteu Chau Ngünechen ñi nehuen ca taiñ ayühuelquefiel ta Chau Jehová (Mat. 5:10-12; 1 Ped. 4:14). Chau Ngünechen ñi nehuen quelluqueiñmu taiñ chaftuafiel chem dungu rume, femngechi taiñ amuldungucheal (2 Cor. 4:7-9). ¿Chem mülei taiñ femal taiñ eluniengeal Chau Ngünechen ñi nehuen? Llellipunieafiyiñ Chau Dios taiñ eluaeteu ñi nehuen, quimnieiñ taiñ allcütuaeteu. w22.11 pag. 5 parr. 10, 11