-
О, сынаглар заманы садиг галдыИман өрнәкләри
-
-
О, мәзәммәти гәбул етди
11. Иса Мәсиһ давамчылары илә һара ҝедир? (Һәмчинин һашијәјә бах.)
11 Чох кечмәмиш Иса Мәсиһ һәвариләрини вә бир нечә шаҝирдини ҝөтүрүб шимала, Һәрмун дағына јол алыр. Вәд едилмиш дијарын шимал гуртараҹағында јерләшән башыгарлы Һәрмун дағы Ҹәлилә дәнизиндән дә ҝөрүнүр. Иса Мәсиһ шаҝирдләри илә Филипи Гејсәријјәсинә јахын кәндләрә галхдыгҹа бу дағ даһа да әзәмәтли ҝөрүнүрb. Бурадан вәд едилмиш дијарын бөјүк гисминә мәнзәрә ачылыр. Елә бу ҝөзәл јердә Иса Мәсиһ давамчыларына ваҹиб бир суал верир.
12, 13. а) Нәјә ҝөрә Иса Мәсиһ шаҝирдләриндән ҹамаатын онун һаггында нә фикирләшдијини сорушур? б) Бутрусун Иса Мәсиһә дедији сөзләрдән онун әсил иман саһиби олдуғу неҹә ҝөрүнүр?
12 Иса Мәсиһ онлардан сорушур: «Ҹамаат нә дејир? Мән кимәм?» Јәгин бу заман Бутрус Иса Мәсиһин мәналы ҝөзләриндә меһрибанлыг, ити зәка ҝөрүр. Мәсиһ билмәк истәјир ки, ҹамаат онун һаггында нә дүшүнүр. Шаҝирдләр онунла бағлы ҹамаат арасында јајылмыш јанлыш тәсәввүрләри сөјләјирләр. Лакин Иса Мәсиһ башга шеји билмәк истәјир. Билмәк истәјир ки, шаҝирдләри дә белә фикирләшир, ја јох. Буна ҝөрә дә онлардан сорушур: «Бәс сиз нә дејирсиниз, мән кимәм?» (Лука 9:18—20).
-
-
О, сынаглар заманы садиг галдыИман өрнәкләри
-
-
b Онлар дәниз сәвијјәсиндән 210 метр ашағыда јерләшән Ҹәлилә дәнизинин саһилиндән јола чыхыб 50 километр јол гәт етмишдиләр. Фүсункар мәнзәрәли јерләрдән кечиб дәниз сәвијјәсиндән 350 метр һүндүрлүјә галхмышдылар.
-