3. a) «Yəhuda... üçün» olan çubuq nəyi təmsil edirdi? b) Nəyə əsasən demək olar ki, «Əfraimin çubuğu» onqəbiləli padşahlığı təmsil edirdi?

³ Yehova Hizqiyala buyurdu ki, iki çubuq götürsün. Birinin üstünə «Yəhuda... üçün», o birinin üstünə «Əfraimin çubuğu Yusif üçün» sözlərini yazsın. (Hizqiyal 37:15, 16 ayələrini oxuyun.) Bu iki çubuq nəyi təmsil edirdi? «Yəhuda... üçün» olan çubuq Yəhuda və Binyamin qəbiləsindən ibarət olan padşahlığı təmsil edirdi. Bu padşahlıqda Yəhuda qəbiləsindən olan padşahlar hakimiyyət sürürdü. Həmçinin kahinlik də bu padşahlıqla bağlı idi, çünki kahinlər Yerusəlimdə yerləşən məbəddə xidmət edirdilər (2 Saln. 11:13, 14; 34:30). Beləliklə, Yəhuda padşahlığına Davud sülaləsindən olan padşahlar, eləcə də Lavi nəslindən olan kahinlər daxil idi. «Əfraimin çubuğu» onqəbiləli İsrail padşahlığını təmsil edirdi. Bu çubuğun Əfraimlə hansı əlaqəsi var idi? Onqəbiləli padşahlığın ilk padşahı Ərubam Əfraim qəbiləsindən idi. Zaman keçdikcə Əfraim İsrailin ən nüfuzlu qəbiləsi oldu (Qan. 33:17; 1 Pad. 11:26). Bir məqamı qeyd etmək lazımdır ki, onqəbiləli İsrail padşahlığına Davud sülaləsindən olan padşahlar və ya lavili kahinlər daxil deyildi.

Yehova Hizqiyala buyurdu ki, bir çubuğun üstündə «Yəhuda... üçün», o birinin üstündə «Əfraimin çubuğu Yusif üçün» yazsın.

QƏDİMDƏ

İkiqəbiləli Yəhuda padşahlığı

MÜASİR DÖVRDƏ

Məsh olunmuşlar

QƏDİMDƏ

Onqəbiləli İsrail padşahlığı

MÜASİR DÖVRDƏ

Başqa qoyunlar