МӘСИХСЕ ТОРМОШОБОҘ
Пионер булараҡ, Йәһүәне данла
Израилдәрҙең Йәһүәне маҡтар өсөн иҫ киткес сәбәптәре булған. Ул уларҙы Мысырҙан сығарған һәм фирғәүен ғәскәренән ҡотҡарған! (Сғ 15:1, 2). Йәһүә бөгөн дә үҙ халҡына игелек эшләүен дауам итә. Беҙ уға үҙ рәхмәттәребеҙҙе нисек белдерә алабыҙ? (Зәб 116:12).
Мөмкинлектәрҙең береһе — даими йә ярҙамсы пионер булып хеҙмәт итеү. Пионер булып хеҙмәт итер өсөн, теләк һәм көс һорап доға ҡыла алаһың (Фп 2:13). Күптәр башта ярҙамсы пионер булып хеҙмәт итә башлай. Март һәм апрель айында, шулай уҡ йыйылышҡа район күҙәтеүсеһе килеп киткәндә, ярҙамсы пионер булараҡ, айына 30 йә 50 сәғәт хеҙмәт итеп була. Ярҙамсы пионер булып хеҙмәт итеү шатлығын татығас, һин, бәлки, даими пионер хеҙмәтен башларға булырһың. Хатта тулы аҙна эшләгәндәр ҙә, һаулыҡ арҡаһында мөмкинлектәре сикле булғандар ҙа даими пионер булып хеҙмәт итә ала (mwb16.07 8 б.). Һис шикһеҙ, Йәһүә беҙҙең уны данлар өсөн һалған һәр ҡайһы тырышлығыбыҙға лайыҡ! (1Йыл 16:25).
«МОНГОЛИЯНАН БУЛҒАН АПАЛЫ-ҺЕҢЛЕЛЕ ӨС ҠЫҘ» ТИГӘН ВИДЕОЯҘМАНЫ ҠАРА ҺӘМ ТҮБӘНДӘГЕ ҺОРАУҘАРҒА ЯУАП БИР:
Өс апай-ҡәрҙәш пионер хеҙмәтен башларға ҡамасаулаған ауырлыҡтарын нисек еңеп сыҡҡан?
Улар ниндәй фатихалар урған?
Даими пионер хеҙмәте уларға ниндәй ишектәр асҡан?
Уларҙың өлгөһө башҡаларға нисек тәьҫир иткән?