Amɔna ba sun faaba kua durum ka gɔɔn di?

35 A yaaye mà Adamu, tɔn gbiiko, u durum kua? U wãaru ka alusanna bia ma bɛsɛ kpuro sa maa gbimɔ yèn sɔ̃ sa sãa win bibu.​—Romu 5:12; 3:23

36 Sa ko kpĩ sa n kpam wãa yibura te mɔ, ma tɔn durɔ yiburo goo u win wãaru kɛ̃ru kua bɛsɛn sɔ̃, n kun mɛ u sun yakia gɔɔn di.​—1 Korinti 15:45; Romu 5:​19, 21

37 Yesu raa sãa Gusunɔn Bii tɔn durɔ. U raa sãawa tɔn durɔ yiburo. U ǹ durum koore.​—Heberu 5:9; 7:26

38 Win tii u dera tɔn bè ba ǹ Gusunɔ kĩ ba nùn go.​—Kolose 2:23

Yera ya raa sãa win tiin yãkuru bɛsɛn sɔ̃.​—1 Timɔte 2:6

39 Ba Yesu sika kpee wɔruɔ n kun mɛ sikurɔ. U raa gu saa sɔ̃ɔ itan di, ma Gusunɔ u nùn seeya.​—Gɔrobun kookoosu 2:24

40 U wura wɔllɔ. U koo tɛ̃ kpĩ u Gusunɔ kana u ka bè ba Gusunɔ mɛm nɔɔwa somi.​—Heberu 9:24; 1 Yohanu 2:​1, 2