Wara raa Sãa Yesu?

Yehofa u Yesu gɔrima temɔ. 1 Yohanu 4:9

Sà n kĩ su Yehofa wɛ̃re, tirasi su maa girimagii goo swaa daki. Yee yeelu, u sere Adamu takaa ko, Yehofa raa hunde damgii goo takaa kua wɔllɔ.

Sanam mɛ saa ya tura, Yehofa nùn gɔrima bu nùn mà Bɛtelehɛmuɔ, saa kurɔ wi kun durɔ yɛ̃ goon mi, wi ba soka Maari. Bii wi ba nùn yĩsiru kã, Yesu.—Yohanu 6:38.

Sanam mɛ u sãa tɔnu temɔ, Yesu raa Gusunɔn daaba weenasia mam mam. U raa wã, u raa kĩru mɔ, ba ra maa wi susi. Ka wɔrugɔru u raa gabu gem sɔ̃ɔsi Yehofa sɔɔ.

Yesu raa gea kua adama ba nùn tusa. 1 Piɛɛ 2:21-24

Sãarun wirugibu ba raa Yesu tusa domi u raa ben sɔ̃ɔsi weesuginu ka ben kookoo kɔ̃susu yara.

Yesu raa maa barɔbu bɛkia ma u gɔri gabu seeyama wãaru sɔɔ.

Sãarun wirugibu ba raa Romugibu gɔ̃ɔru dokea bu Yesu so kpa bu nùn go.