2. Bibeli—Tire te ta wee saa Gusunɔn min di

1 BIBELI YA WEEWA SAA GUSUNƆN MIN DI

“Gusunɔn gari kpuro yi weewa saa Gusunɔn min di.”—2 Timɔte 3:16

Swaa yerà sɔɔra Bibeli ya ka tire ni nu tie wunanɛ?

Ba Bibeli tusia ka barum nge 2 600 ma ba yen tusurum tusurum yara tireru sɔɔ.

Ya sun daabaru yen bweseru sa ǹ wasi tireru garu sɔɔ wɛ̃ɛmɔ.

• 1 Tɛsalonika 2:13

  Gusunɔwa sãa Bibelin garin nuuru.

• 2 Piɛɛ 1:21

  Gusunɔwa u tɔmbu kpara ba ka win bwisikunu nɔɔsia.

2 BIBELI YA SÃAWA SƆMƆBUN GARIN TIRERU

“Gusunɔ u ku ra weesu ko.”—Titu 1:2

Mba n sɔ̃na n weenɛ a Bibeli naanɛ ko?

• Esai 44: 27–45:2

  Sɔmɔbu ba raa gerua Bibeli sɔɔ mɛsun ba koo ka Babiloni kamia wɔ̃ɔ dabi dabinu ya sere koora.

• 2 Timɔte 3:1-5

  Ye Sɔmɔba gerua Bibeli sɔɔ ya kooramɔ tɛ̃.

• Gbaburu 23:19

  Sa koo kpĩ su ye Bibeli ya gerua sian tɔ̃ru sɔɔ naanɛ ko.

3 BA BIBELI YORUAWA YU KA SUN SOMI

“Wi u sãa bɛɛ Isireliban Yinni Dɛɛro, ma u bɛɛ yakia u nɛɛ, u ra bɛɛ sɔ̃ɔsi ye n ko n bɛɛ arufaani ko.”—Esai 48:17

Mba a gia Bibeli sɔɔ?

• Yoobu 26:7; Esai 40:22

  Ye Bibeli ya gerua kaso kobu sɔɔ gema.

• Gbaburu 20:2-12

  Bibelin yorobu ba gem swĩi.

• Mateu 5-7

  Yesu u sun bwisi kã mɛ sa koo ko sa n ka nuku dobu mɔ, ka mɛ sa ko sa n ka wãa bɔri yɛndu sɔɔ ka gabu, ka maa mɛsun sa koo kana, ka mɛ sa koo ka gobi mɛɛrisina.

4 BIBELI YA KOO KPĨ YU WUNƐN WÃARU KƆSI

“Gusunɔn gari yi wasi yi maa dam mɔ.”—Heberu 4:12

Mba Gusunɔn gari ya koo kpĩ yu nun kua?

• Ya koo nun somi a ka Gusunɔn himba tubu.

• Ya koo nun somi a ka tubu tɔnu win bweseru a sãa.

• Ya koo nun somi a ka gia ye Gusunɔ u nun bikiamɔ.

Gusunɔ u kĩ a Bibeli gari, a yen keu ko, kpa a ye kĩa.