6. Magia Sa Dɔɔ Sà N Gu?

1 TƆNU Ù N GU, WIN WÃARA YƆ̃RA WA MI

“Be ba gu ba ǹ gãanu yɛ̃.”—Waasu kowo 9:5

Mba ya ra sun deemɛ sà n gu?

• Womusu 146:3, 4; Waasu kowo 9:6, 10

  Sà n gu sa ku ra gãanu wa, sa ku ra nɔ, sa ku ra maa bwisiku.

• Yohanu 11:11-14

  Yesu u gɔɔ weenasia ka dom.

2 YEHOFA KUN DAA KĨ TƆMBU BU GBI

“Adama dãa tèn binu nu koo tɔnu gea ka kɔ̃sa giasia, a ku ra ten binu di, domi dɔma te a nu di, kaa gbiwa.”—Torubu 2:17

Mban sɔ̃na sa ra gbi?

• Torubu 3:1-6

  Setam u Efa weesu kua ye ya koo wi deema sɔɔ ù n Gusunɔ mɛm nɔɔ sariru kua. Saa ye Adamu ka Efa ba Yehofa mɛm nɔɔ sariru kua, ba durum kua ma ba ra gu.

• Torubu 3:19

  Adamun gɔɔn biru, u ǹ maa wãa.

• Romu 5:12

  Durum sãawa bara kɔsuru ten tubi sa di saa bɛsɛn mɔwɔ gbikobun min di. Bɛsɛ kpuro ba sun marawa torobu, yen sɔ̃na sa ra gbi.

• 1 Korinti 15:26

  Bibeli ya gɔɔ soka wɛrɔ.

3 GEM GƆƆ SƆƆ MU RA SUN YAKIE

“Tɔnu ù n koo raa se sanam mɛ u gu, na kon yĩiyɔbu mɔ nɛn wahala yeni sɔɔ sere nɛn wãaru tu ka kɔsi.”—Yoobu 14:14

Amɔsunwa gee yi sa yɛ̃ gɔɔ sɔɔ yi su yakiamɔ saa bwisiku weeginun di?

• 1 Yohanu 4:8

  Dɔ̃ɔ wi u ku ra gbin sɔ̃ɔsiru ta ǹ Yehofa bɛɛrɛ wɛ̃ɛmɔ. U ǹ derimɔ tɔmbu bu nɔni sɔ̃ɔra nge mɛ.

• Kãsiru 4:11

  Tɔn dabira gɔribun bɛrum mɔ, yen sɔ̃ ba bu nasie ma ba bu sãamɔ ye ba koo ka Yehofa sãa, Yehofa sãawa Gusunɔ geo, wi tɔnawa n maa weenɛ su sãa.