16. A Gɔsio A Gusunɔ Sã

1 A SÃA WEESUGIRU SUURIO

“I yario bwese tukunun suunu sɔɔn di. I ku gãanu baba ni nu disi mɔ.”—2 Korinti 6:17

Mban sɔ̃na bwãarokunu ka sikadobun sãara sãa weesu?

• Yaribu 20:4, 5; 1 Yohanu 5:21

  Yehofa kun kĩ su bwãarokunu loo ko bɛsɛn sãaru sɔɔ.

• Sɔ̃ɔsiru 18:10-12

  Be ba ra gɔribu soku,wɛrɛkuna ba sokumɔ ka gem.

2 TƆ̃Ɔ BAKANU KPURO KU RA KA GUSUNƆ NAAWƐ̃

“I kookari koowo I ka gia ye ya koo Yinni wɛ̃re.”—Efesu 5:10

Amɔsunwa kaa ko a ka tubu tɔ̃ɔ baka te n weenɛ a di?

• Esekiɛli 44:23; 2 Korinti 6:14, 15

  A mɛɛrio yà n yen nuuru mɔ keferiru sɔɔ.

• Yaribu 32:2-10

  Baa be ba tɔ̃ɔ baka te yi bà kun himba kɔ̃sa mɔ, tɔ̃ɔ baka te, ta koo kpĩ ta kun ka Gusunɔ naawɛ.

• Daniɛli 3:1-27

  Tɔ̃ɔ baka tè ta tɔnu, tɔmbun yigbɛnu, ǹ kun mɛ tem gam yiiko wɛ̃ɛmɔ, a te suurio.

• 1 Timɔte 1:18, 19

  A laakari koowo, adama a n sire ma wunɛn gɔ̃ru ga dɛɛreYehofan wuswaaɔ.

3 A TƆN GEERU SƆ̃ƆSIO SAA YE A GABU WUNƐN NAANƐ DOKEBU TUSIAMMƐ

“I de bɛɛn gari yin nɔɔbu doo kpa yin swaa swĩ, kpa i n ka yɛ̃ mɛ n weenɛ i baawure wisi.”—Kolose 4:6

Amɔsunwa kaa gabu wunɛn naanɛ dokebu tusia?

• Mateu 7:12

  A ye gaba gɔsa bɛɛrɛ wɛ̃ɛyɔ nge mɛ a kĩ bu ye a gɔsa bɛɛrɛ wɛ̃.

• 2 Timɔte 2:24

  A tɔn geeru sɔ̃ɔsio baadomma, a ku ka go sanna ye a naanɛ doken sɔ̃.

• 1 Piɛɛ 3:15

  A wunɛn naanɛ dokebun asansi tubusio tɛɛru tɛɛru ka bɛɛrɛ.

• Heberu 10:24, 25

  Kirisigibun mɛnnɔsɔ gaba koo nun dam kɛ̃ kpa bu nun somi a ka tubu ye kaa gere, saa ye ba wunɛn naanɛ dokebun asansi bikiamɔ.