19. A Ku Ka Yehofa Tonda

1 YEHOFA U WUNƐN KĨRU MƆ

“Domi Gusunɔ u handuniagibun kĩru mɔ, sere u win Bii tɔn durɔ teereru bu wɛ̃, kpa baawure wi u nùn naanɛ doke, u ku kam ko, adama u n wãaru mɔ te ta ku ra kpe.”—Yohanu 3:16

Amɔsunwa Gusunɔ u nun win kĩru sɔ̃ɔsi?

• Womusu 91:2

  Yehofawa sãa bɛsɛn kuku yeru. Saa tɛ̃n di u koo sun gɔ̃ru yɛmiasia saa bɛsɛn wahalaban di.

• Womusu 37:29

  U sun yĩiyɔ geebu kã sian sɔ̃.

• 1 Timɔte 6:12, 19

  Gusunɔ u koo sun wãaru te ta ku ra kpe kɛ̃ mi gãanu kpuro ko n deedeeru swĩi. Sa ko sa n wãa bɔri yɛndu, ka nuku dobu, ka bwãado giribu sɔɔ, gbaa buraru sɔɔ.

2 YEHOFA U KĨ A NÙN KĨA

“A Gusunɔ wunɛn Yinni kĩɔ, ka wunɛn gɔ̃ru kpuro ka wunɛn bwɛ̃ra kpuro ka wunɛn bwisikunu kpuro.”—Mateu 22:37

Mba Gusunɔn kĩru ta koo nun bɔria a ko?

• Luku 17:12-17

  A Gusunɔ siaro ye u nun kua kpuron sɔ̃.

• Mateu 7:16-20

  A n Gusunɔn kĩru mɔ̀ tɔ̃ru baatere a ka sɔ̃ɔsi ma a wi kĩ.

• 1 Yohanu 5:3

  A Gusunɔn woodaba mɛm nɔɔwɔ.

• 1 Timɔte 6:18

  A kookari koowo a ka gabu nuku dobu sɔ̃ɔsi.

3 A DE KĨI TE A YEHOFA MƆƆWƐ TA N DAM MƆ

“I tii nɛnuɔ Gusunɔn kĩru sɔɔ.”—Yudu 21

Mba ya koo nun somi a n kun ka Yehofa tonde?

• 1 Tɛsalonika 5:17

  I n kanaru mɔ̀ saa baayere.

• Mateu 28:19, 20; 2 Timɔte 4:2

  A kookari koowo a ka Gusunɔn bandun laabari gea kpara.

• Mɔnnu 2:1-5

  A n bɔ a n Gusunɔ giamɔ.

• Heberu 10:24, 25

  A n da mɛnnɔsu de dee dee. Wunɛn kinasiba koo nun somi a ka Yehofa susi a sosi.