PARSIAJARAN 17

Mura Antusan

1 Korint 14:9

NA INGKON DIULAHON: Bahen ma hatoranganmuna mura diantusi angka na mambege.

Denggan ma parsiajari bahanmuna. Ingkon tangkas do diantusi hamu hatorangan i, asa boi dipatorang hamu marhite cara na mura antusan jala mamangke hata sandiri.
Unang ma pagodanghu mangalehon hatorangan. Tingki patorangkon pokok utama, unang ma paganjanghu asa mura antusan.

Unang ma pasahat hatorangan na so pola porlu na mambahen bingung jala gabe ndang diantusi angka na mambege. Jadi pasahat ma hatorangan na mura antusan.
Patorang ma hata na so diboto nasida dope. Molo boi, unang ma pangke hata na so diboto angka na mambege. Alai, molo ingkon dipangke hamu do hata sisongon i, patorang ma aha lapatanna. Umpamana, tingki paboahon taringot angka halak na disurat di Bibel, taringot ukuran, dohot hasomalan najolo.