Aha do na boi taulahon lao mendukung donganta na lomo rohana menikah? Sada cara i ma, manat ma hita tikki makkatai tu nasida. (Eps. 4:29) Boi do tapikkirhon sukkun-sukkun on: ‘Gabe tersinggung do akka donganta na lajang alani gait-gaithu? Molo hubereng adong donganta borua dohot donganta bawa na lajang makkatai, pittor hubahen do kesimpulan na lagi mardongan-dongan nasida?’ (1 Tim. 5:13) Asing ni i, unang ma tabahen donganta na lajang merasa adong na sala di diri ni nasida umbahen na so menikah nasida. Jadi dumenggan do molo talului kesempatan lao mamuji akka donganta na lajang. Boha do molo tahilala adong sahalak donganta bawa na cocok tu sahalak donganta borua? Didok di Bibel, ikkon tapikkirhon do perasaan ni halak na asing. (Rom 15:2) Godang do akka donganta na lajang dang lomo rohana dipatandahon tu sasahalak. Jadi ikkon taargai do keputusan ni nasida i. (2 Tes. 3:11) Piga-piga donganta na lajang olo do mangido bantuan tu hita. Alai unang ma taulahon i molo dang dipangido nasida.—Poda 3:27. w24.05 24-25 ¶14-15

Di tikkitta saonari on, olo do toppu ro masalah na mambahen muba ngolutta. Alai mandok mauliate do hita tu Jahowa ala diurupi Ibana do hita. Tikki diurupi Jahowa hita, gabe sarupa ma pakkilalaatta songon si Daud na mandok, “Debata na mangolu do Jahowa!” (Ps. 18:46) Alai dung didok si Daud songon i, dipatudos Ibana do Debata i songon benda mati. Didok ibana do, Jahowa “Dolok Batukku”. Aha do lapatan ni hata ni si Daud i? Di Bibel, dipatudos do Jahowa songon “dolok batu” asa boi hita mambayakkon akka sifatna. Jotjot do naposo ni Jahowa najolo mandok Jahowa songon dolok batu lao mamuji akka sifatna na luar biasa. Di 5 Musa 32:4 do parjolo sahali Jahowa didok songon “Dolok Batu”. Tikki martangiang si Hanna, didok ibana do, “Dang adong dolok batu na songon Debatanta.” (1 Sam. 2:2) Molo si Habakuk, didok ibana do Jahowa “Dolok Batukku”. (Hab. 1:12) Jala Jahowa sandiri pe mandok Ibana songon dolok batu. —Jes. 44:8. w24.06 26 ¶1, 3

Di adopan ni Jahowa, akka raja na mambahen las rohana, i ma na manomba Jahowa sian nasa roha. Taringot tu Raja Josia, Bibel mandok, ‘Dang hea dope adong raja na songon si Josia, na sian nasa rohana mulak tu Jahowa.’ (2 Raj. 23:25) Boha taringot Raja Salomo na mangulahon na jahat dung matua ibana? Bibel mandok, “Dang sian nasa rohana be ibana manomba Jahowa.” (1 Raj. 11:4) Disurat Bibel do muse taringot si Abiam, raja na so setia. Bibel mandok, “Dang sian nasa rohana ibana mangoloi Jahowa.” (1 Raj. 15:3) Di Bibel, jotjot do dipakke hata “roha” lao manggombarhon halak na songon dia hita sasittongna. Termasuk ma i akka na tapikkirhon, tahalomohon, pangalahotta, motifta, dohot tujuan ni ngolutta. Attong, aha do lapatanna manomba Jahowa sian nasa roha? Halak na manomba Jahowa sian nasa roha dang manomba Ibana holan alani kewajiban. Alai alani holong ni rohana do umbahen na disomba ibana Jahowa saleleng ni ngoluna. w24.07 21 ¶4-5