14 Kɛ Lɔtu ɔli’n, Zoova seli Abramun kɛ: “Jran kɛ a o lɛ’n,* naan man ɔ ti’n su nian lika’n i nglo lɔ nin i ngua lɔ, yɛ niɛn i wia afiliɛ lɔ nin i wia atɔliɛ lɔ. 15 Afin lika wunmuan nga ɔ ɲinma tɛ i yɛ’n, ń fá mán wɔ nin ɔ osu’n nunfuɛ mun. Ɔ́ yó amun liɛ tititi.+

15 I sin’n, Zoova kannin ndɛ kleli Abramun aolia nun. Ɔ seli kɛ: “Abramun, nán srɛ kun wɔ.+ N ti ɔ sasafuɛ.*+ Ń má cɛ́ ɔ like dan kun.”+

7 Ɔ seli ekun kɛ: “N ti Zoova. N fali amun Iri m’ɔ o Kalde mɛn’n nun lɔ’n n bali naan ń fá mɛn nga ń mán amun.”+

17 I nun mɔ Abramun le afuɛ ablangwlan-nin-ngwlan’n (99), Zoova fiteli i ɲrun kpɛkun ɔ seli i kɛ: “Min yɛ n ti Ɲanmiɛn m’ɔ Kwla Like Kwlaa Yo’n niɔn. Nanti atin nga n kle wɔ’n su. Yɛ nán yo sa tɛ.

8 Asa ekun’n, ń fá mɛn nga a trannin nun kɛ aofuɛ sa’n, ń mán wɔ nin ɔ osu’n nunfuɛ mun.+ Mɛn sɔ’n yɛle Kanaan mɛn wunmuan’n. Ɔ́ yó be liɛ tititi. Yɛ ń yó be Ɲanmiɛn.”+

4 I sin’n, Zoova seli i kɛ: “Mɛn nga ti yɛ n tali Abraamun nin Izaaki nin Zakɔbu be nda’n, yɛ ɔ o lɛ-ɔ. N seli kɛ: ‘Mɛn sɔ’n yó ɔ osu’n nunfuɛ’m be liɛ.’+ N yacili ɔ nun naan ɔ ɲinma gua mɛn sɔ’n i wun. Sanngɛ a su juman lɔ.”+