3 “‘Amun kwla fa cɛn nsiɛn di junman, sanngɛ cɛn’n i nso su’n ti wunmiɛn-lolɛ-cɛn ngunmin kun,+ ɔ ti aɲia cɛn ngunmin kun. Ɔ fataman kɛ amun di junman wie fi. Kan kwlaa nga amun tran’n, ɔ ti wunmiɛn-lolɛ-cɛn kun m’ɔ fata kɛ amun fa man Zoova-ɔ.+

13 Fa cɛn nsiɛn di junman.+ Di ɔ junman’m be kwlakwla cɛn sɔ’m be nun. 14 Sanngɛ cɛn nso su’n ti wunmiɛn-lolɛ-cɛn, ɔ ti ɔ Ɲanmiɛn Zoova i liɛ.+ Nán di junman wie fi.+ Maan ɔ wie ɔ bɔbɔ-o, annzɛ ɔ wa yasua-o, annzɛ ɔ wa bla-o, annzɛ ɔ kanga yasua-o, annzɛ ɔ kanga bla-o, annzɛ ɔ nannin-o, annzɛ ɔ aflunmun-o, annzɛ ɔ nnɛn mun-o, annzɛ ɔ aofuɛ m’ɔ tran ɔ klɔ’n nun-o,+ nán maan amun nun wie fi di junman. I liɛ’n, ɔ kanga yasua’n nin ɔ kanga bla’n bé ló wunmiɛn kɛ wɔ sa.+