27 Tannin sua’n i sin m’ɔ kpɛ wia atɔliɛ lɔ’n, ɔ yoli kadri nsiɛn lɔ.+ 28 Ɔ yoli kadri nɲɔn naan be yo tannin sua’n i sin lɔ cɔnjɔ nɲɔn’m be kadri. 29 Kɛ ɔ fɛ i kadri’n i ngua lele m’ɔ́ fá jú i nglo lɔ like kukluku kɛ be sa nga sa’n i klikli’n su’n, waka’m be ti nɲɔn. Kɛ ɔ yoli kadri nɲɔn nga be o tannin sua’n i sin lɔ cɔnjɔ nɲɔn’m be su’n be sɔ-ɔ. 30 Kadri’m be yoli mɔcuɛ yɛ be ja takatakawlɛ’m be yoli blu-nin-nsiɛn (16). Kadri’m be kwlaa be ja takatakawlɛ’m be ti nɲɔnnɲɔn.