2 “Se Izraɛlifuɛ’m be kɛ be blɛ min like. Sran kwlaa nga i klun klo su ɔ man min like’n,+ maan amun sɔ nun. 3 Ninnge ng’ɔ fata kɛ amun sɔ be nun’n yɛ: Sika ɔkwlɛ,+ sika,+ aaba,+ 4 jese ble, jese ɔkwlɛ kankan,* jese ɔkwlɛ bioun, lɛn kplɔkɔɔ, boli ndrɛ, 5 bua ɲin kplo mɔ be kɛnnin i ayre ɔkwlɛ’n, nzue nun nnɛn nga be flɛ i fɔku’n i kplo, akasia waka,+ 6 kannin nuan sɔlɛ ngo,+ bomie ngo mɔ be fa sanngan be ti su gualɛ ngo’n+ nin ansan fanninfannin’n+ nun’n, 7 ɔ nin yɔbuɛ nga be flɛ i oniksi’n, nin yɔbuɛ uflɛ wie mɔ bé fá tátá efɔdu’n+ nin be wue nun pɔsu’n+ be su’n.

29 Yasua nin bla’m be kwlaa nga be klun ti ufue’n be fali like bali naan be fa di junman nga Zoova seli Moizi kɛ be di’n. Izraɛlifuɛ’m be klun klo su yɛ be fali ninnge sɔ’m be mannin Zoova-ɔ.+