32 Asa ekun’n, be kannin mɛn nga be ko niannin’n i ndɛ tɛtɛ+ kleli Izraɛlifuɛ mun sa trilili. Be seli kɛ: “Mɛn nga e wlanwlannin nun’n, ɔ yo sro. Sɛ amun kɔ lɔ’n, saan amún wú. Yɛ sran nga e wunnin be lɔ’n, be kwlaa be ti sa jajraajraa, be yo sro.+

26 Ɔ nin i sɔ ngba’n, amun waan amun kɔman. Amun a faman ndɛ nga Zoova m’ɔ ti amun Ɲanmiɛn’n kannin’n su.+ 27 Amun ijɔli amun konviabo amun tannin sua’m be nun. Amun seli kɛ: ‘Zoova kpɔ e, i ti yɛ ɔ fa e Ezipti mɛn’n nun lɔ bali-ɔ. I waan ɔ́ fá e wlá Amɔɔfuɛ’m be sa nun naan be nunnun e sekeseke. 28 ?Lika benin nun yɛ e su kɔ-ɔ? E niaan’m be yoli maan e sa sin bubuli e,+ afin be seli kɛ: “Be nga be tran klɔ sɔ’m be su’n, be le wunmiɛn dan yɛ be ti kpasakaa kpa tra e. Be klɔ’m be ti dandan, yɛ talɛ nga be fa sisili be wun’n, be ti dandan kpa, be ju ɲanmiɛn su lɔ.+ Asa ekun’n, e wunnin Anakifuɛ’m+ be mma mun lɔ.”’