• Mmla’n 8:7-9
    Ɲanmiɛn Ndɛ’n—Mɛn Uflɛ Biblu’n

    • 7 Afin Zoova m’ɔ ti amun Ɲanmiɛn’n su fa amun kɔ mɛn klanman kun nun.+ Nzue ba’m be sonji mɛn sɔ’n nun, nzue ti’m be sonji kɔ lika kpɛtɛkplɛɛ’n nin okaoka lika’m be nun. 8 Ble nin ɔɔzu, nin viɲin fie, nin figie waka, nin grenadie+ be o mɛn sɔ’n nun. Olivie ngo nin awɛma nzue+ be o lɔ wie. 9 Aliɛ su wieman mɛn sɔ’n nun le, yɛ amun su mianman like fi wun. Mɛn sɔ’n nun’n, blalɛ o yɔbuɛ’m be nun. Yɛ amún yí aaba nga be o oka’m be nun’n.

  • Mmla’n 28:12
    Ɲanmiɛn Ndɛ’n—Mɛn Uflɛ Biblu’n

    • 12 Zoova wá tíke ɲanmiɛn su lɔ’n su kɛ be tike tanngannin mɔ ninnge kpakpa o nun’n su sa. Kpɛkun ɔ́ yó maan nzue tɔ́ amun mɛn’n nun blɛ ng’ɔ ti su’n i su.+ Kpɛkun ɔ́ yrá like kwlaa nga amun yo’n su. Amún bó nvle kpanngban be bosia, sanngɛ amun su usaman afɛ le.+

  • Zeremin 14:22
    Ɲanmiɛn Ndɛ’n—Mɛn Uflɛ Biblu’n

    • 22 ?Nvle nga be o lɛ’n, be amuin mɔ be timan like fi’n, be nun kun sa kwla tɔ nzue?

      ?Annzɛ ɲanmiɛn m’ɔ la nglo lɔ plaii’n kwla se nzue’n kɛ ɔ tɔ?

      E Ɲanmiɛn Zoova, ɔ kunngba cɛ yɛ a kwla yo sɔ-ɔ.+

      Ɔ su yɛ e fa e wla’n e gua-ɔ,

      afin ɔ kunngba cɛ yɛ a yoli like kwlaa sɔ mun-ɔn.