10 Fa min ɲrun jranlɛ junman’n wla Aarɔn nin i mma’m be sa nun. Min ɲrun jranlɛ junman’n yɛ ɔ fata kɛ be di-ɔ.+ Sran kwlaa nga b’a mɛnmɛn i atin* m’ɔ mantan min lika’n, maan be kun i.”+

11 Like kwlaa nga n seli amun kɛ amun fa man’n, amun fa wɔ lika nga Zoova m’ɔ ti amun Ɲanmiɛn’n fɛli i dunman’n sieli su’n+ nun. Like sɔ mun yɛ: nnɛn nga be fa yi tɛ nga kɛ bé yí’n be yra nnɛn’n i kɔlikɔli’n, nin nnɛn nga amún fá yí tɛ mun’n, nin amun blusu’n,+ nin amun sa nun like nga amún fá mán Ɲanmiɛn’n, nin like kwlaa nga amun tali Zoova i nda kɛ amún fá mɛ́n i’n.

13 Amun nian amun wun kpa. Nán amun wɔ lika nga amun klo’n nun be ko yi tɛ nga kɛ bé yí’n be yra nnɛn’n i kɔlikɔli’n.+

8 “Amun sɔnnin kpa. Asa ekun’n, sika ɔkwlɛ nannin ba nga Zeroboamun yoli be naan amun sɔ be’n, be o amun sa nun. I sɔ’n ti’n, amun bu i kɛ amun kwla tanndan Zoova i famiɛn dilɛ m’ɔ fa wlali Davidi i mma’m be sa nun’n i ɲrun.+ 9 ?Amun a kanman Aarɔn i osu’n nunfuɛ mɔ be ti Zoova i ɲrun jranfuɛ’n,+ ɔ nin Levifuɛ’m be bo? ?Amun a sieman amun bɔbɔ amun sran liɛ mun naan be jran amun amuin’m be ɲrun kɛ nga nvle kun nga’m be fa yo’n sa?+ Sran kwlaa ng’ɔ fa nannin tola kun nin bua ɲin nso ba’n, ɔ kwla yo amuin sɔ mɔ be timan like fi’n, be ɲrun jranfuɛ.