ƐNTƐNƐTI SU FLUWA SIEWLƐ Watchtower

1 Samiɛli 28:4

Ɲanmiɛn Ndɛ’n—Mɛn Uflɛ Biblu’n
- 4 Filistifuɛ’m be sonja’m be yiali, kpɛkun be ko boli be nanmue Sunɛmun lɛ.+ Saili kusu yiali Izraɛli lɔ sonja’m be kwlaa, kpɛkun be ko boli be nanmue liɛ’n Gilboa lɛ.+

2 Samiɛli 1:21

Ɲanmiɛn Ndɛ’n—Mɛn Uflɛ Biblu’n
- 21 Gilboa oka mun,+
  nán maan bɔlɛ gua amun su naan se kɛ nzue yɛ ɔ́ tɔ́-ɔ,
  nán maan fie nga be o amun su’n, be su ninnge nga be fa man Ɲanmiɛn’n i wie fi yo kpa,+
  afin amun su lɔ yɛ be yoli safuɲrɛn’m be ɲrɛn’n i fiɛn-ɔn,
  be su faman ngo kankanman Saili i ɲrɛn’n kun.

1 Be Ɲoliɛ 10:1-5

Ɲanmiɛn Ndɛ’n—Mɛn Uflɛ Biblu’n
- 10 Filistifuɛ’m be nin Izraɛlifuɛ’m be kunnin. Sanngɛ Izraɛlifuɛ’m be wanndili Filistifuɛ’m be ɲrun. Yɛ be nun sunman be wuli Gilboa Oka’n su lɔ.+ 2 Filistifuɛ’m be suli Saili nin i mma’m be su lele be mantannin be koko kpa. Kpɛkun be kunnin Saili i mma yasua mun, yɛle kɛ Zonatan nin Abinadabu nin Malki-Sia.+ 3 Alɛ’n yrili kpa Saili su. Kɛ ta tofuɛ’m+ be wunnin i mɔ be toli i wun ta’n, ta mma’m be ɲɛnnin i. 4 Yɛ Saili seli sran ng’ɔ trɛ i alɛ ninnge’m be nun’n kɛ: “Fa ɔ tokofi’n wɔ min naan ɔ bo nun lɔ. Nán maan sran sɔ mɔ b’a wlaman be klɛn’n, be yo min tɛtɛ.”+ Sanngɛ sran ng’ɔ trɛ i alɛ ninnge’m be nun’n w’a kplinman su, afin srɛ kun i dan. I sɔ’n ti’n, Saili bɔbɔ cuɛnnin i tokofi’n kpɛkun ɔ tu tɔli su.+ 5 Kɛ sran ng’ɔ tra Saili i alɛ ninnge’m be nun’n wunnin kɛ w’a wu’n, i kusu fɛli i tokofi liɛ’n. Ɔ tu tɔli su kpɛkun ɔ wuli.