9 “Maan tannin sua’n ɲan awlo klun.+ Fa lɛn kplɔkɔɔ mɔ be cisannin’n fa yo awlo klun’n i bue nga i ɲin kpɛ ngua lɔ’n i rido mun. Maan i bue sɔ’n i tɛnndɛn nun’n yo kude ya kun (100).+

9 I sin’n, ɔ yoli Ɲanmiɛn ɲrun jranfuɛ’m+ be awlo klun’n,+ nin awlo klun danfuɛ’n,+ nin awlo klun’n i anuan mun. Kpɛkun ɔ fali aaba katali i anuan’m be wun.

7 Kɛ ɔ yoli sɔ’n, Salomɔn yoli Zoova i sua’n i ɲrun lɛ awlo klun’n i afiɛn’n i sanwun. Afin lɛ yɛ ɔ yili tɛ nga kɛ bé yí’n be yra nnɛn’n i kɔlikɔli’n niɔn,+ yɛ lɛ yɛ ɔ fali nnɛn nga be fa yili bo kun yolɛ tɛ’n i lui’n fa mannin Ɲanmiɛn-ɔn. Afin tɛ nga kɛ bé yí’n be yra nnɛn’n i kɔlikɔli’n, nin ble annzɛ i wunsu like nga be fa man Ɲanmiɛn’n,+ nin nnɛn’m be lui’m+ be sɔnman aaba tɛ yiwlɛ+ nga Salomɔn yoli’n su.