30 amun nian amun wun. Kɛ nvle sɔ’m be nunfuɛ’m be ko nunnun amun ɲrun’n, nán amun yo like nga be yoli’n wie. Nán amun usa be ɲanmiɛn liɛ’m be osu. Nán amun se kɛ: ‘?Wafa sɛ yɛ nvle sɔ’m be nunfuɛ’m be sɔ be ɲanmiɛn liɛ mun bɔbɔ li-ɔ? N kusu ń yó kɛ be sa.’+ 31 Nán amun su Zoova m’ɔ ti amun Ɲanmiɛn’n kɛ ngalɛ’n sa. Afin ninnge nga be yo man be ɲanmiɛn mun’n, Zoova kpɔ be kwlaa. I wie yɛle kɛ be fa be wa yasua nin be wa bla’n be yi be sin’n nun fa man be ɲanmiɛn mun.+

14 Ɲanmiɛn ɲrun jranfuɛ’m be su kpɛn’m be kwlaa, ɔ nin nvlefuɛ mun be ayeliɛ’n ti tɛ tra su. Sa tɛtɛ kwlaa nga nvle onga’m be yo’n, i wie yɛ be yo-ɔ. Yɛ Zoova i sua m’ɔ o Zerizalɛmun lɔ’n, m’ɔ yoli i sanwun’n, be wa yoli i fiɛn.+

51 “‘Sa tɛ kpanngban nga a yo be’n, Samari+ liɛ’n ɔ jumɛn i bue. A yoli tete sa kpanngban trali be liɛ’n. I sɔ’n ti’n, be buli ɔ niaan bla’m be sran kpa, tete sa kwlaa nga a yoli be’n ti.+