3 Kɛ Zoziasi kacili famiɛn’n i afuɛ blu-nin-mɔcuɛ (18) su’n, ɔ sunmannin Safan m’ɔ ti fluwa klɛfuɛ’n, m’ɔ ti Azalia i wa’n, mɔ i kusu ti Mesulamun i wa’n, Zoova i sua’n+ nun lɔ. Ɔ seli i kɛ: 4 “Kɔ Ilkia+ m’ɔ ti Ɲanmiɛn ɲrun jranfuɛ dan’n i sin naan ɔ ko fa sika kwlaa nga nvlefuɛ’m be fa ba Zoova i sua’n+ nun mɔ anuan sunianfuɛ’m be sɔ nun’n.+ 5 Maan be fa man be nga be sieli be kɛ be nian Zoova i sua’n nun junman’n su’n, naan be kusu be fa man junman difuɛ nga be o Zoova i sua’n nun lɔ m’ɔ fata kɛ be siesie sua’n i lika nga w’a saci’n* i ye’n.+ 6 Be yɛle ajuin difuɛ mun nin sua kplanfuɛ mun nin yɔbuɛ nun junman difuɛ mun. Maan be fa to waka nin yɔbuɛ nga be sɛli’n, naan be fa siesie sua’n i ye.+