ƐNTƐNƐTI SU FLUWA SIEWLƐ Watchtower

ƐNTƐNƐTI SU FLUWA SIEWLƐ Watchtower

ƐNTƐNƐTI SU FLUWA SIEWLƐ

Ezipti Lɔ Tulɛ 34:6

Ɲanmiɛn Ndɛ’n—Mɛn Uflɛ Biblu’n
- 6 Zoova sinnin i ɲrun, kpɛkun ɔ seli kɛ: “Zoova, Zoova, Ɲanmiɛn m’ɔ yaci sa cɛ’n,+ ɔ si aunnvɔɛ,*+ ɔ faman ya ndɛndɛ,+ ɔ klo sran dan,+ ɔ ti nanwlɛfuɛ,+

Mmla’n 32:36

Ɲanmiɛn Ndɛ’n—Mɛn Uflɛ Biblu’n
- 36 Afin Zoova dí i sran’m be jɔlɛ,+
  
  kɛ ɔ́ wún kɛ i sufuɛ’m be leman wunmiɛn kun’n,
  
  naan be nga be leman ukafuɛ nin be nga b’a yo fakafaka’n yɛ b’a ka’n,
  
  ɔ́ sí be aunnvɔɛ.+

Ezai 63:7

Ɲanmiɛn Ndɛ’n—Mɛn Uflɛ Biblu’n
- 7 Sa nga Zoova yoli be mɔ be kle kɛ ɔ klo sran dan’n,
  sa nga Zoova yoli be mɔ be nin manmanlɛ fata’n, ń má kán be ndɛ.
  Zoova yoli ninnge kwlaa sɔ mun mannin e,+
  ɔ yoli ninnge kpakpa kpanngban mannin Izraɛli nvle’n,
  afin i aunnvɔɛ silɛ’n nin i sran klolɛ’n ti dan.

Ngwlɛ Yilɛ 3:32

Ɲanmiɛn Ndɛ’n—Mɛn Uflɛ Biblu’n
- 32 Kannzɛ bɔbɔ ɔ kle sran kun ɲrɛnnɛn’n, sanngɛ ɔ́ sí i aunnvɔɛ afin i sran klolɛ’n wieman le.+

Zoɛli 2:13

Ɲanmiɛn Ndɛ’n—Mɛn Uflɛ Biblu’n
- 13 Nán amun titi amun tralɛ’m be nun,+ amun titi amun awlɛn bafuɛ’n nun,+
  naan amun sa amun sin Zoova m’ɔ ti amun Ɲanmiɛn’n i wun,
  afin ɔ si aunnvɔɛ, ɔ yaci sa cɛ, ɔ faman ya ndɛndɛ,+ yɛ ɔ klo sran dan.+
  I liɛ’n, ɔ su faman ɲrɛnnɛn’n yiman amun su kun.*