• Jue Mun 128:1-5
    Ɲanmiɛn Ndɛ’n—Mɛn Uflɛ Biblu’n

    • 128 Be kwlaa nga be sro Zoova’n,+

      mɔ be nanti i atin’m be su’n, be liɛ su ti ye.+

       2 Junman nga a miannin ɔ ɲin dili’n, á ɲɛ́n i nuan like dí.

      Á dí aklunjɔɛ yɛ á ɲán ɔ wun.+

       3 Ɔ yi’n yó kɛ viɲin m’ɔ su mma kpanngban’n sa ɔ sua’n nun,+

      ɔ mma’m bé yó kɛ olivie waka kanngan mun sa ɔ tabli’n i wun.

       4 Amun nian! Sran ng’ɔ sro Zoova’n,

      kɛ bé wá yrɛ́ i su sɔ-ɔ.+

       5 Kɛ Zoova o Siɔn lɔ’n, maan ɔ yra ɔ su.

      Ɔ nguan blɛ’n kwlaa nun’n, maan Zerizalɛmun

      i liɛ yo ye,+