10 I sin’n, Moizi nin Aarɔn be flɛli sran’m be kwlaa yɔbuɛ’n i ɲrun lɛ naan Moizi w’a se be kɛ: “Ɲin keklefuɛ mun, amun sie amun su! ?Amun waan e yo naan nzue fin yɔbuɛ nga nun fite man amun?”+

12 Kɛ ɔ cɛli kan’n, Zoova seli Moizi nin Aarɔn be kɛ: “Amun a kleman kɛ amun lafi min su. Yɛ amun a yiman min ayɛ Izraɛlifuɛ’m be ɲrun naan b’a wun kɛ n ti sanwun. I sɔ’n ti’n, amun su faman sran nga mun* kɔman mɛn nga ń fá mán be’n nun.”+

9 ?Ngue ti yɛ a yoli Zoova i nuan ndɛ’n i finfin mɔ a yoli sa ng’ɔ timan kpa’n i ɲrun-ɔn? A kunnin Iri m’ɔ ti Ɛtifuɛ’n!+ Kɛ a fɛ i wlali Amɔnfuɛ’m be sa nun mɔ be fali tokofi be kunnin i’n,+ a ko fɛli i yi’n yoli ɔ liɛ.+ 10 I sɔ’n ti’n, tokofi yɛ bé fá klé ɔ awlo’n nunfuɛ’m be ɲrɛnnɛn sa trilili-ɔ.+ Afin kɛ a ko fali Iri m’ɔ ti Ɛtifuɛ’n i yi’n, a yoli min finfin.’ 11 Ndɛ nga Zoova kan’n yɛ: ‘Ń yó maan ɔ bɔbɔ wɔ awlo’n nunfuɛ’m bé fá ɲrɛnnɛn yí ɔ su.+ Ń fá ɔ yi mun ń mán sran uflɛ ɔ ɲin bo lɛ.+ Yɛ sran sɔ’n nin ɔ yi’m bé sí sua wia klakla kpa’n nun.+