• Ezai 35:10
    Ɲanmiɛn Ndɛ’n—Mɛn Uflɛ Biblu’n

    • 10 Be nga Zoova kpɔli be ti’n bé wá sá be sin,+ bé kpán aklunjɔɛ kpanlɛ bé kɔ́ Siɔn.+

      Aklunjɔɛ m’ɔ leman awieliɛ’n ɔ́ yó kɛ famiɛn kle sa be ti su.+

      Bé bó sró yɛ aklunjɔɛ’n kún be kpo,

      kpɛkun awlabɔɛ’n nin fɛfɛlɛ’n bé wíe.+

  • Ezai 61:7
    Ɲanmiɛn Ndɛ’n—Mɛn Uflɛ Biblu’n

    •  7 Min nvlefuɛ’m be su wunman ɲannzuɛn, sanngɛ like nga bé wá ɲɛ́n i’n, bé ɲɛ́n i wunsu sɔ kpɛ nɲɔn.

      Be ɲin su guaman ase, sanngɛ bé wá kpán aklunjɔɛ kpanlɛ.

      Nanwlɛ, like nga bé wá ɲɛ́n i’n, bé ɲɛ́n i wunsu sɔ kpɛ nɲɔn be mɛn’n nun lɔ.+

      Bé wá dí aklunjɔɛ blɛ

      kwlaa nun.+

  • Zeremin 33:10, 11
    Ɲanmiɛn Ndɛ’n—Mɛn Uflɛ Biblu’n

    • 10 “Zoova waan yoo: ‘Klɔ nga amún wá kɛ́n i ndɛ bé sé kɛ klɔ nga w’a tɔ srolo, naan sran fi nin nnɛn fi be nunman su, naan Zida klɔ mun nin Zerizalɛmun lɔ akpɔ mun b’a tɔ srolo, naan sran fi nin i sufuɛ fi nin nnɛn fi be nunman lɛ’n, klɔ sɔ’n nun’n bé wá tí 11 bo srolɛ nin aklunjɔɛ kpanlɛ’n+ ekun, nin yasua nga w’a ja bla’n i nɛn’n ekun, nin bla nga w’a ja bian’n i nɛn’n ekun. Yɛ sran nga bé wá tí be nɛn’n ekun’n yɛle be nga be se kɛ: “Amun la Zoova m’ɔ ti sonja’m be su kpɛn’n i ase. Afin Zoova ti kpa.+ I sran klolɛ dan’n wieman le!”’+

      “‘Bé fá like bé bá min bɔbɔ Zoova min sua’n nun bé fá lá min ase.+ Afin ń fá nvle’n nun sran nga be ti bisuafuɛ’n ń bá, yɛ lika’n yó kɛ i bo bolɛ nun’n sa ekun.’ Min Zoova yɛ n kan sɔ-ɔ.”