5 Sa nga a yo be fa de e’n ti’n, é kpán aklunjɔɛ kpanlɛ.+

É mán e flanga’m be su e Ɲanmiɛn’n i dunman nun.+

Maan Zoova yo like kwlaa nga a srɛ i’n man wɔ.

14 Siɔn i wa bla, kpan aklunjɔɛ kpanlɛ!

Izraɛli, kpan kwlalɛ kpanlɛ!+

Zerizalɛmun i wa bla,+ di aklunjɔɛ, maan ɔ klun jɔ dan kpa!

15 Fɔ nga Zoova sunnzunnin kɛ ɔ́ tú wɔ’n, ɔ su tumɛn i kun.+

Ɔ yoli maan ɔ kpɔfuɛ’n sɛli i sin.+

Zoova m’ɔ ti Izraɛli Famiɛn’n wo ɔ afiɛn.+

Srɛ su kunman wɔ ɲrɛnnɛn sa’n i lika kun.+