10 Zoova kannin ndɛ kleli Manase nin i sran mun lele. Sanngɛ b’a faman su.+

15 Zoova m’ɔ ti be nannan’m be Ɲanmiɛn’n sunmɛnnin i sran mun titi naan be ko kan ndɛ kle be. Ɔ kannin ndɛ kleli be lelele, aunnvɔɛ m’ɔ si i nvle’n nunfuɛ mun’n, nin i bɔbɔ i tranwlɛ’n be ti. 16 Sanngɛ be fali Ɲanmiɛn Kpli i sran’m be yiyili be ɲin su sa trilili,+ be yoli i ndɛ’n i finfin,+ yɛ be srili i nuan ijɔfuɛ mun.+ Be yoli sɔ lele Zoova wa fali i nvle’n nunfuɛ’m be wun ya dan.+ Be yoli sɔ lele b’a kwlá yoman juejue kun.

29 Kannzɛ bɔbɔ a kan kleli be kɛ be sa be sin be fa ɔ Mmla’n su’n, sanngɛ be tuli be wun, b’a kplinman su kɛ bé tíe ɔ nuan ndɛ’n.+ Be yoli sa tɛ, afin ɔ afɔtuɛ mɔ sran ng’ɔ nanti be su’n ɔ ɲan nguan’n,+ b’a nantiman be su. Sanngɛ ɲin kekle yolɛ’n ti’n, be kacili be sin be sili wɔ, be keteli be kɔmin’n, yɛ b’a kplinman su kɛ bé tíe ɔ nuan ndɛ’n.

13 Zoova waan yoo: ‘Kannzɛ n kannin ndɛ n kleli amun kpɛ sunman’n,* amun a sieman amun su.+ Amun yoli ninnge sɔ mun titi. N flɛli amun kpɛ sunman, sanngɛ amun a tɛman su.+