• Ezai 54:10
    Ɲanmiɛn Ndɛ’n—Mɛn Uflɛ Biblu’n

    • 10 Afin oka’m be kwla jaso be osu’n nun,

      yɛ kpɔlɛ’m be kwla keje,

      sanngɛ min sran klolɛ dan’n su tuman ɔ su le,+

      asa kusu’n, min fɔundi aenguɛ’n su saciman.”+ Ndɛ nga Zoova m’ɔ si wɔ aunnvɔɛ’n ɔ kan’n yɛ ɔ o lɛ-ɔ.+

  • Zeremin 31:35-37
    Ɲanmiɛn Ndɛ’n—Mɛn Uflɛ Biblu’n

    • 35 Zoova m’ɔ sieli wia’n kɛ ɔ kpaja wia nun’n,

      i m’ɔ sieli anglo ba nin nzraama’m be su mmla

      naan be kpaja kɔnguɛ’n,

      i m’ɔ man jenvie’n su kpɛkun ɔ kejekeje i nun nzue’n,

      i mɔ i dunman’n yɛle Zoova m’ɔ ti sonja’m be su kpɛn’n,+ i waan yoo:

      36 Zoova waan yoo: “‘Saan mmla sɔ’m be nunman lɛ kun

      yɛ Izraɛli i osu’n nunfuɛ’m be su yoman nvle kun min ɲrun-ɔn.’”+

      37 Zoova waan yoo: “?Be kwla sunnzun ɲanmiɛn ng’ɔ la nglo lɔ plaii’n, annzɛ be kwla wun asiɛ’n i bo takatakawlɛ mun? Cɛcɛ. I wafa kunngba’n, sa kwlaa nga Izraɛlifuɛ’m be yoli’n ti’n, n su kwlá yiman be kwlaa be blo.’ Zoova yɛ ɔ kan sɔ-ɔ.”+