• Ezai 30:10
    Ɲanmiɛn Ndɛ’n—Mɛn Uflɛ Biblu’n

    • 10 Be se jeliwafuɛ’m be kɛ: ‘Nán amun wun like,’

      yɛ be se aolia nun like wunfuɛ’m be kɛ: ‘Nán amun kan aolia nun ndɛ nanwlɛ mun kle e.+

      Amun kan ndɛ fɛfɛ mun fa laka e. Amun fa amun ɲin be sie ato ndɛ’m be su.+

  • Zeremin 5:31
    Ɲanmiɛn Ndɛ’n—Mɛn Uflɛ Biblu’n

    • 31 Ɲanmiɛn nuan ijɔfuɛ’m be bua ato,+

      yɛ Ɲanmiɛn ɲrun jranfuɛ’m be fa kwlalɛ mɔ be le i’n be tintin sran’m be su.

      Min nvle nunfuɛ’m be klo i sɔ liɛ’n kusu.+

      ?Sanngɛ kɛ i kwlaa sɔ’n ko wie’n, amún yó i sɛ?”

  • Zeremin 14:14
    Ɲanmiɛn Ndɛ’n—Mɛn Uflɛ Biblu’n

    • 14 Zoova seli min ekun kɛ: “Ɲanmiɛn nuan ijɔfuɛ’m be fa min dunman be kpɛ gblɛ.+ M’an sunmanman be, m’an seman be kɛ be ko kan ndɛ, m’an kanman ndɛ fi m’an kleman be.+ Aolia nun like nga be waan be wunnin i’n, ɔ ti ato. Sa nga be kan kɛ ɔ́ wá jú’n, ɔ ti amun lakalɛ. Ndɛ nga be kan kle amun’n, be kpɛ i be bɔbɔ be ti’n nun.+