10 Kɛ Samiɛli o lɛ yí tɛ nga kɛ bé yí’n be yra nnɛn’n i kɔlikɔli’n, Filistifuɛ’m be bali kɛ be nin Izraɛlifuɛ’m bé kún. Cɛn sɔ’n nun’n, Zoova yoli maan ɲanmiɛn’n kplali kplannankplannan+ Filistifuɛ’m be su. Kpɛkun ɔ sanngannin be nun.+ Ɔ maan Izraɛlifuɛ’m be kwlali be.+

11 Aza kpan flɛli Zoova m’ɔ ti i Ɲanmiɛn’n.+ Ɔ seli i kɛ: “Zoova, be nga ɔ waan á úka be’n, sɛ be sɔnnin-o, sɛ be leman wunmiɛn-o, be ukalɛ’n timan kekle ɔ sa nun.+ Zoova, e Ɲanmiɛn, uka e. Afin e fali e wla’n e guali* ɔ su.+ Yɛ ɔ dunman nun yɛ e bali naan e nin sran kpanngban nga mun é kún-ɔn.+ Zoova, a ti e Ɲanmiɛn. Nán tran lɛ naan klɔ sran m’ɔ kwla wu’n i fanngan’n tra ɔ liɛ’n.”+

36 Zoova i anzi’n ɔli Asirifuɛ’m be nanmue’n nun lɔ, ɔ ko kunnin sran akpiakpi ya akpiakpi ablaɔcuɛ-nin-nnun (185.000). Kɛ be jasoli nglɛmun ndɛ kpa’n, lika’n nun ti fuɛn ngunmin.+ 37 Ɔ maan Famiɛn Sankeribu m’ɔ ti Asiri famiɛn’n ɔli, ɔ sɛli i sin Ninivu+ lɔ, yɛ ɔ kali lɔ.+